യുഎഇയിൽ വേ​ഗത കുറച്ച്​ വാ​ഹ​ന​മോ​ടി​ച്ച​തി​ന് മൂന്ന് ലക്ഷത്തിലേറെ ഡ്രൈവർമാർക്ക് പിഴ ചുമത്തി. 400 ദി​ർഹം വീ​ത​മാ​ണ് ഡ്രൈവർമാരിൽ നിന്ന് ​പി​ഴ​യായി ഈടാക്കിയത്. ഓ​വ​ർടേ​ക്കി​ങ്ങി​ന് അ​നുമതിയുള്ള റോഡിൽ പി​ന്നി​ൽ നി​ന്ന് വ​രു​ന്ന വാ​ഹ​ന​ങ്ങ​ൾക്ക് മു​ൻഗ​ണ​ന കൊ​ടു​ക്കാ​തെ കു​റ​ഞ്ഞ വേ​ഗ​ത്തി​ൽ വാ​ഹ​ന​മോ​ടി​ക്കു​ന്ന​വ​ർക്കും സ​മാ​ന പി​ഴ​യാ​ണ് ല​ഭി​ക്കു​ന്ന​ത്. കു​റ​ഞ്ഞ വേ​ഗ​ത്തി​ൽ വാ​ഹ​ന​മോ​ടി​ക്കു​ന്ന​വ​ർ വ​ല​തു​വ​ശ​ത്തെ ലൈ​നും കൂടി​യ വേ​ഗ​ത്തി​ൽ പോ​കു​ന്ന​വ​ർ ഇ​ട​ത്തേ ലൈ​നു​മാ​ണ് ഉ​പ​യോ​ഗി​ക്കേ​ണ്ട​ത്.

ട്രാഫിക് അപകടങ്ങൾ തടയുന്നതിനും ഗതാഗതം മെച്ചപ്പെടുത്തുന്നതിനും വേണ്ടി കഴിഞ്ഞ വർഷം മെയ് മാസത്തിൽ അബുദാബി ഷെയ്ഖ് മുഹമ്മദ് ബിൻ റാഷിദ് റോഡിൻ്റെ ആദ്യ രണ്ട് പാതകളിൽ മണിക്കൂറിൽ 120 കിലോമീറ്റർ എന്ന മിനിമം വേഗത പരിധി നടപ്പാക്കിയിരുന്നു. ഈ പ്രധാന ഹൈവേയിലെ പരമാവധി വേഗത 140kmph ആണ്, ഏറ്റവും കുറഞ്ഞ വേഗത 120kmph ഇടതുവശത്ത് നിന്ന് ഒന്നും രണ്ടും പാതകളിൽ ബാധകമാണ്. കുറഞ്ഞ വേഗത നിശ്ചയിച്ചിട്ടില്ലാത്ത മൂന്നാമത്തെ പാതയിലൂടെ വേഗത കുറഞ്ഞ വാഹനങ്ങൾക്ക് പോകാൻ അനുവാദമുണ്ട്. ഭാരവാഹനങ്ങൾ എല്ലായ്‌പ്പോഴും റോഡിൻ്റെ അവസാന പാത ഉപയോഗിക്കണം, അത് മിനിമം സ്പീഡ് നിയമം ഉൾക്കൊള്ളുന്നില്ല. യുഎഇയിലെ വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക 
https://chat.whatsapp.com/JPixZWmtID0Jd9EcWTSEyq