യുഎഇയിൽ വേനൽ ചൂട് ഉയരുകയാണ്. ഇതുവരെയുള്ള വേനലിൽ രേഖപ്പെടുത്തിയതിൽ ഏറ്റവും ഉയർന്ന താപനില ഇന്നലെ രേഖപ്പെടുത്തി. വെള്ളിയാഴ്ച ഉച്ചകഴിഞ്ഞ് 3:15 ന്, മെസൈറയിൽ (അൽ ദഫ്ര മേഖല) 49.9 ഡിഗ്രി സെൽഷ്യസ് താപനില രേഖപ്പെടുത്തിയതായി നാഷണൽ സെൻ്റർ ഓഫ് മെറ്റീരിയോളജി (എൻസിഎം) പറഞ്ഞു.
ജ്യോതിശാസ്ത്രവും ബഹിരാകാശ ശാസ്ത്രവും പറയുന്നതനുസരിച്ച്, 14 മണിക്കൂർ നീണ്ടുനിന്ന വർഷത്തിലെ ഏറ്റവും ദൈർഘ്യമേറിയ ദിവസമായ വേനൽക്കാല അറുതിയായിരുന്നു ഇന്നലെ. ഭൂമിയുടെ ധ്രുവങ്ങളിലൊന്ന് സൂര്യനോട് ഏറ്റവും അടുത്ത് ചരിഞ്ഞിരിക്കുന്ന വേനൽ അറുതിയോടെയാണ് രാജ്യത്ത് ‘ജ്യോതിശാസ്ത്ര വേനൽ’ എന്നറിയപ്പെടുന്ന സീസൺ ആരംഭിക്കുന്നത്. യുഎഇയിലെ ഏറ്റവും ദൈർഘ്യമേറിയ ദിവസമായിരുന്നു ഇന്നലെ അനുഭവപ്പെട്ടത്.
രാജ്യത്തെ ഏറ്റവും തീവ്രമായ ഈ വേനൽക്കാല ഘട്ടം സാധാരണയായി ജൂലൈ പകുതിയോടെ ആരംഭിച്ച് ഓഗസ്റ്റ് അവസാനം വരെ തുടരും. ഈ സമയത്ത്, താപനില ഏറ്റവും ഉയർന്ന്, ഈർപ്പം 90 ശതമാനം വരെ എത്താം. മരുഭൂമിയിൽ നിന്നുള്ള പൊടിക്കാറ്റും ഉണ്ടാകാം. ഈ കാറ്റുകൾക്ക് നഗരത്തിലുടനീളം ശക്തമായ കാറ്റിനും മണൽ ഉയരുന്നതിനും കാരണമാകും. യുഎഇയിലെ വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക
https://chat.whatsapp.com/JPixZWmtID0Jd9EcWTSEyq
