യുഎഇയിൽ ഫോണിൽ വന്ന ചാറ്റിൻ്റെ പേരിലുണ്ടായ തർക്കത്തെ തുടർന്ന് ആൺ‍സുഹൃത്തിനെ കുത്തി പരിക്കേൽപ്പിച്ച യുവതി പൊലീസിൻ്റെ പിടിയിൽ. ആൺസുഹൃത്തിൻ്റെ ഫോണിൽ വന്ന ചാറ്റുകൾ പരിശോധിക്കാൻ ഫോൺ നൽകാത്തതിൽ വിസമ്മചതിനെ തുടർന്നാണ് യുവതി കുത്തിയത്. മൂന്ന് തവണ സുഹൃത്തിനെ കുത്തി പരിക്കേൽപ്പിച്ചു. 2022 ഓഗസ്റ്റ് 20 ന് ദുബായിലെ അൽ മുറാഖബാത്തിലെ അവരുടെ അപ്പാർട്ട്മെൻ്റിലാണ് സംഭവം. ദുബായ് കോടതി വിധി പ്രകാരം, തായ്‌ലൻഡ് പൗരനും പ്രതിയായ അറബ് യുവതിയും പ്രണയത്തിലായിരുന്നു, ഇവർക്കിടയിൽ വഴക്കുകൾ പതിവായിരുന്നു. സംഭവദിവസം മറ്റൊരു സ്ത്രീയുമായി വോയിസ് ചാറ്റിൽ ഏർപ്പെട്ടിരിക്കുന്ന കാമുകനെ അവൾ കണ്ടു. അതുമായി ബന്ധപ്പെട്ട് അവർ അയാളെ ചോദ്യം ചെയ്തപ്പോൾ, അവൻ പ്രതികരിക്കാതെ ഇരുന്നു. തുടർന്ന് അയാളുടെ ഫോൺ യുവതി ആവശ്യപ്പെടുകയായിരുന്നു.

മൊബൈൽ ഫോൺ നൽകാൻ യുവാവ് വിസമ്മതിച്ചപ്പോൾ ബലമായി പിടിച്ച് വാങ്ങാൻ ശ്രമിച്ചപ്പോൾ അയാൾ യുവതിയെ അടിച്ചു. തുടർന്ന് യുവതി സമീപത്ത് ഉണ്ടായിരുന്ന കത്തി എടുത്ത് ഇയാളെ കുത്തുകയായിരുന്നു. നെഞ്ചിലും കുത്തേറ്റിരുന്നു. മുറിവിൽ രക്തം വന്നതോടെ യുവതി തന്നെ പൊലീസിൽ അറിയിക്കുകയായിരുന്നു. സംഭവ സ്ഥലത്ത് പൊലീസ് അയാളെ ആശുപത്രിയിൽ എത്തിക്കുകയും ചെയ്തു. അന്വേഷണത്തിൽ താൻ അവനെ കൊല്ലാൻ ഉദ്ദേശിച്ചിരുന്നില്ലെന്നും എന്നാൽ അയാൾ തന്നെ ആക്രമിച്ചതിന് ശേഷം സ്വയം സംരക്ഷിക്കാൻ മാത്രമാണ് അത്തരം പ്രവർത്തി ചെയ്തതെന്നും അധികൃതരോട് വ്യക്തമാക്കി. യുവതിയുടെ പ്രവൃത്തികൾ കൊലപാതകശ്രമം അല്ല മനഃപൂർവം ദേഹോപദ്രവം ഏൽപ്പിക്കുന്നതാണെന്ന് കോടതി മനസ്സിലാക്കി. അയാളെ കുത്തിയ ശേഷം ഇരയുടെ സഹായം തേടിയത് കൊല്ലാനുള്ള ഉദ്ദേശ്യമില്ലായ്മയെ സൂചിപ്പിക്കുന്നുവെന്നും കോടതി ചൂണ്ടിക്കാട്ടി. തത്ഫലമായി, ആക്രമണത്തിന് അവൾ കുറ്റക്കാരനാണെന്ന് കണ്ടെത്തി ആറ് മാസത്തെ തടവിന് ശിക്ഷിച്ചു. ശിക്ഷ കഴിഞ്ഞ് പുറത്ത് ഇറങ്ങുന്ന യുവതിയെ നാടുകടത്താനും കോടതി ഉത്തരവിട്ടു. യുഎഇയിലെ വാർത്തകളും വിവരങ്ങളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/Gng8TrrjGT6FCFNH1KiDVV