അവധിക്കാലം ആഘോഷിക്കാൻ യുഎഇയിൽ നിന്ന് ജപ്പാനിലേക്ക് യാത്ര തിരിക്കുന്നത് നിരവധി പേരാണ്. എന്നാൽ പലരുടെയും അവധിക്കാല സ്വപ്നങ്ങൾക്ക് മങ്ങലേറ്റിരിക്കുകയാണ്. അടുത്തിടെയാണ് ജപ്പാൻ ഇ-വിസ സംവിധാനം താത്കാലികമായി നിർത്തലാക്കിയത്. ഇതോടെ യാത്രക്കാർ ദുരിതത്തിലായി. എമിറാറ്റികൾക്ക് വിസയില്ലാതെ രാജ്യം സന്ദർശിക്കാമെങ്കിലും, പല പ്രവാസികൾക്കും അവരുടെ യാത്രകൾക്ക് മുമ്പ് പെർമിറ്റ് ഉറപ്പാക്കേണ്ടതുണ്ട്. വിസയ്ക്ക് അപേക്ഷിക്കുന്നവർ അപ്പോയിൻ്റ്മെൻ്റിനായി അതിൻ്റെ ദുബായ് കോൺസുലേറ്റിലേക്ക് ഇമെയിൽ ചെയ്യണം. എന്നാൽ അപ്പോയിൻമെന്റ് സ്ലോട്ടുകൾ ലഭിക്കുന്നതിൽ ബുദ്ധിമുട്ട് നേരിടുന്നുണ്ടെന്നും യാത്രക്കാർ പറയുന്നു. നാല് തവണ ഇമെയിൽ അയച്ചിട്ടും നിരസിക്കപ്പെട്ടെന്ന് ദുബായ് ആസ്ഥാനമായുള്ള ട്രാവൽ വ്ലോഗറായ റഫീസ് അഹമ്മദ് പറഞ്ഞു. യുഎഇയിലെ വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക
https://chat.whatsapp.com/Gng8TrrjGT6FCFNH1KiDVV
ഇ വിസ അപേക്ഷകർ സാധാരണയായി വെബ്‌സൈറ്റിൽ ലോഗിൻ ചെയ്യുകയും ആവശ്യപ്പെടുന്ന രേഖകൾ സമർപ്പിക്കുകയും ഫീസ് അടയ്ക്കുകയും വേണം. (ഇന്ത്യക്കാർക്ക് 20 ദിർഹം, മിക്ക രാജ്യക്കാർക്കും 80 ദിർഹം). എന്നാൽ ഏപ്രിൽ 27 മുതൽ സംവിധാനം താത്കാലികമായി നിർത്തിയതോടെ പലർക്കും യാത്രാതടസം അനുഭവപ്പെടുകയാണ്. അപ്പോയിൻ്റ്മെൻ്റ് ഉറപ്പാക്കാൻ, അപേക്ഷകർ ഇപ്പോൾ പ്രവൃത്തിദിവസങ്ങളിൽ രാവിലെ 8 നും 10 നും ഇടയിൽ കോൺസുലേറ്റിലേക്ക് ഒരു ഇ-മെയിൽ അയയ്ക്കണം. ഇ-മെയിലിൽ ഉൾപ്പെടുത്തേണ്ട വിശദാംശങ്ങൾ വ്യക്തമാക്കുന്ന ഒരു ഗൈഡ് മിഷൻ അതിൻ്റെ വെബ്‌സൈറ്റിൽ (www.dubai.uae.emb-japan.go.jp/) പ്രസിദ്ധീകരിച്ചിട്ടുണ്ടെന്നും എമിറേറ്റിലെ ജാപ്പനീസ് കോൺസുലേറ്റ് ജനറലിൻ്റെ കോൾ സെൻ്റർ എക്സിക്യൂട്ടീവ് അറിയിച്ചു. കൂടാതെ രണ്ടാഴ്ചയിൽ കുറവോ മൂന്ന് മാസത്തിൽ കൂടുതലോ യാത്രാ കാലാവധിയുള്ള അപേക്ഷകൾ നിരസിക്കപ്പെടുമെന്നും അധികൃതർ അറിയിച്ചു.
അതേസമയം നിരവധി ഇമെയിലുംകൾ അയച്ചിട്ടും മറുപടി ലഭിക്കുന്നില്ലെന്ന് യുഎഇയിലെ ട്രാവൽ ഏജൻസികൾ പറയുന്നു. ട്രാവൽ പ്ലാറ്റ്‌ഫോമായ Musafir.com പോലും വെല്ലുവിളികൾ നേരിട്ടതായി ഏജൻസി വൈസ് പ്രസിഡൻ്റ് റാഷിദ സാഹിദ് പറഞ്ഞു. ചിലർക്ക് സ്ലോട്ട് അനുവദിക്കപ്പെടുകയും മറ്റുള്ളവർക്ക് നിരസിക്കപ്പെടുകയും ചെയ്യുന്നെന്നും അദ്ദേഹം കൂട്ടിച്ചേർത്തു. ജപ്പാനിൽ “ഓവർടൂറിസത്തിൻ്റെ” ആശങ്കകൾ ഉയർന്നുവന്ന സമയത്താണ് ഈ വിസ വെല്ലുവിളികൾ വരുന്നത്. ഔദ്യോഗിക കണക്കുകൾ പ്രകാരം മെയ് മാസത്തിൽ തുടർച്ചയായ മൂന്നാം മാസവും മൂന്ന് ദശലക്ഷത്തിലധികം സന്ദർശകരാണ് ജപ്പാനിലെത്തിയത്. മൾട്ടിപ്പിൾ എൻട്രി വിസകൾക്ക് അപേക്ഷിക്കാനാണ് ട്രാവൽ ഏജൻസിയായ എംപിക്യൂ തൻ്റെ ഉപഭോക്താക്കളെ പ്രോത്സാഹിപ്പിക്കുന്നത്. ഒരു മാസത്തെ വാർഷിക അവധിയിൽ പോകുന്നവർ ആദ്യം മനിലയിൽ കുറച്ച് സമയം ചെലവഴിക്കും, അതിനാൽ അവർക്ക് നേരിട്ട് വിസയ്ക്ക് അപേക്ഷിക്കാൻ കഴിയും. ഏഴ് മുതൽ 10 പ്രവൃത്തി ദിവസങ്ങൾക്കുള്ളിൽ അവർക്ക് ജപ്പാനിലേക്കുള്ള വിസ ലഭിക്കുമെന്നും എംപിക്യൂ സിഇഒ മാലോ പ്രാഡോ പറഞ്ഞു.
