യുഎഇയിൽ എട്ടുവയസുകാരനായ ആൺകുട്ടിയുടെ മരണത്തിൽ നീതി തേടി കുടുംബം. ഷാർജയിലെ മുവൈലെ ഏരിയയിലെ ഒരു സ്കൂളിൽ വച്ചാണ് ഇന്ത്യക്കാരനായ റാഷിദ് യാസർ എന്ന ഗ്രേഡ് 1 വിദ്യാർത്ഥി മരിച്ചത്. റമദാൻ മാസത്തിൻ്റെ ആദ്യ ദിനമായ മാർച്ച് 11 നാണ് കുട്ടിയുടെ മരണം സംഭവിച്ചത്. കുട്ടിയുടെ മുഖത്തിൻ്റെ ഇടതുവശത്ത് പുരികം വരെ നീളുന്ന പുതിയ ചതവ്, തലയോട്ടിക്ക് താഴെ ആന്തരിക രക്തസ്രാവം, ഇടത് കവിൾത്തടത്തിൻ്റെ ഒടിവ്, തീവ്രമായ നീർവീക്കം, മസ്തിഷ്ക കാമ്പിൽ ഒന്നിലധികം രക്തസ്രാവം. , തലച്ചോറിൻ്റെ ഉപരിതലത്തിൽ ആഘാതകരമായ രക്തസ്രാവം തുടങ്ങിയവയുണ്ടായിരുന്നെന്ന് ഷാർജ പോലീസിൻ്റെ ഫോറൻസിക് റിപ്പോർട്ടിൽ പറയുന്നുണ്ട്. തലയ്ക്കേറ്റ ക്ഷതം ഗുരുതരമായ മസ്തിഷ്കാഘാതത്തിന് കാരണമായെന്നും തലച്ചോറിൻ്റെ കാമ്പിൽ കാര്യമായ വീക്കവും ഒന്നിലധികം രക്തസ്രാവവും ഉണ്ടായതായും പോസ്റ്റ്‌മോർട്ടം റിപ്പോർട്ടിലും വ്യക്തമാക്കുന്നുണ്ട്. യുഎഇയിലെ വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/Gng8TrrjGT6FCFNH1KiDVV
അസംബ്ലി ഏരിയയിലേക്ക് നടക്കുമ്പോൾ റാഷിദിനെ ചില ആൺകുട്ടികൾ കളിയാക്കുന്നത് സ്കൂളിലെ സിസിടിവി ദൃശ്യങ്ങളിൽ കാണാം. ഒരു കൊച്ചുകുട്ടി റാഷിദിനെ കളിയായി രണ്ടുതവണ ചവിട്ടുന്നതും സിസിടിവിയിൽ കാണാം. അടുത്ത ദൃശ്യത്തിൽ, നാല് ആൺകുട്ടികൾ കുട്ടിയുടെ പിന്നാലെ ഓടുന്നത് കാണാം. കുറച്ച് നിമിഷങ്ങൾക്ക് ശേഷം, റാഷിദ് നിലത്തു വന്നു വീഴുന്നത് ദൃശ്യങ്ങളിൽ വ്യക്തമാണ്. അതേസമയം കുട്ടിയുടെ വീഴ്ചയിലേക്ക് നയിക്കുന്ന നിർണായക നിമിഷങ്ങൾ സിസിടിവിയിൽ പതിഞ്ഞിട്ടില്ല. സംഭവങ്ങൾ നടന്ന ക്രമത്തിൽ ഗ്യാപ് ഉണ്ട്. സിസിടിവി ദൃശ്യങ്ങൾ ലഭ്യമല്ലാത്ത സമയങ്ങളിൽ റാഷിദിനെ ആക്രമിക്കുകയും ഭീഷണിപ്പെടുത്തുകയും ചെയ്തെന്ന് കുടുംബം ആരോപിച്ചു. റാഷിദിന് എന്ത് സംഭവിച്ചെന്ന് അറിയുന്നത് വരെ നിയമപോരാട്ടം തുടരുമെന്ന് പിതാവ് ഹബീബ് യാസർ പറഞ്ഞു. കുട്ടിയെ സംരക്ഷിക്കുന്നതിൽ പരാജയപ്പെട്ട സ്‌കൂളിനെതിരെ നടപടിയെടുക്കണമെന്നും കുടുംബം ആവശ്യപ്പെട്ടു. കുട്ടിയുടെ മരണത്തെ തുടർന്ന് അനുശോചനയോഗമോ പ്രാർത്ഥനാ യോഗമോ നടത്താത്തത് എന്തുകൊണ്ടാണെന്നും സഹപാഠികളുടെ മാതാപിതാക്കളെ സംഭവത്തെക്കുറിച്ച് അറിയിക്കാതിരുന്നത് എന്തുകൊണ്ടാണെന്നും കുടുംബം ചോദിച്ചു. അതേസമയം കുട്ടിയെ സഹപാഠികൾ ഭീഷണിപ്പെടുത്തുകയും ഉപദ്രവിക്കുകയും ചെയ്തെന്ന ആരോപണത്തിൽ സ്കൂൾ അധികൃത‌ർ പ്രതികരിച്ചില്ല.
