അബുദാബിയിൽ നടന്ന 264ആം ബിഗ് ടിക്കറ്റ് ലൈവ് നറുക്കെടുപ്പിൽ ദുബായിൽ താമസിക്കുന്ന ഇന്ത്യൻ പ്രവാസിക്ക് ഭാഗ്യ സമ്മാനം ലഭിച്ചു. പ്രവാസിയായ റൈസുർ റഹ്മാൻ 10 ദശലക്ഷം ദിർഹം സമ്മാനം നേടി. ജൂൺ 15-ന് വാങ്ങിയ 078319 എന്ന നമ്പർ ടിക്കറ്റിനാണ് സൗഭാഗ്യം തേടിയെത്തിയത്. ജോലി തിരക്കുകൾ മൂലം ഇത്തവണ നറുക്കെടുപ്പിന്റെ തത്സമയം ഇത്തവണ കാണാൻ റഹ്മാന് സാധിച്ചിരുന്നില്ല. അതേസമയം വാഹനമോടിക്കുന്നതിനിടെ കോൾ വന്നപ്പോൾ തന്നെ റിച്ചാർഡിന്റെ ശബ്ദം തിരിച്ചറിയാൻ ഭാഗ്യജേതാവിന് സാധിച്ചു. ബിഗ്ടിക്കറ്റ് ലൈവുകൾ സ്ഥിരം കാണുന്ന റഹ്മാന് ഷോ അവതാരകരായ റിച്ചാർഡിന്റെയും ബൗച്രയുടെയും ശബ്ദം സുപരിചിതമായിരുന്നു. ടിക്കറ്റ് ആരുമായി പങ്കുവച്ചിരുന്നില്ല. ഒന്നരവർഷമായി തുടർച്ചയായി ടിക്കറ്റ് വാങ്ങാറുണ്ടെന്നും തുക കൊണ്ട് സമൂഹത്തിൽ നല്ല പ്രവർത്തനങ്ങൾ ചെയ്യണമെന്നും റഹ്മാൻ പറഞ്ഞു. ഈ മാസം ടിക്കറ്റെടുക്കുന്നവർക്ക് നിരവധി ക്യാഷ് പ്രൈസുകളാണ് നൽകുന്നത്. 15 മില്യൺ ദിർഹം ഗ്രാൻഡ് പ്രൈസ്, 1 മില്യൺ ദിർഹം രണ്ടാം സമ്മാനം എന്നിവയ്‌ക്ക് പുറമേ, മറ്റ് 10 വിജയികൾ ഓഗസ്റ്റ് 3 ലെ തത്സമയ നറുക്കെടുപ്പിൽ 100,000 ദിർഹം വീതം സമ്മാനങ്ങളും ലഭിക്കും. ബിഗ് ടിക്കറ്റ് വെബ്‌സൈറ്റ് വഴിയോ അബുദാബിയിലെ സായിദ് ഇൻ്റർനാഷണൽ എയർപോർട്ടിലെയും അൽ ഐൻ എയർപോർട്ടിലെയും ഇൻ-സ്റ്റോർ കൗണ്ടറുകൾ സന്ദർശിച്ചോ ടിക്കറ്റുകൾ ഓൺലൈനായി വാങ്ങാം. എന്നിരുന്നാലും, എയർപോർട്ടുകളിലെ സ്റ്റോറുകളിൽ നിന്ന് വാങ്ങുമ്പോൾ രണ്ട് ടിക്കറ്റുകൾക്ക് ഒരു ടിക്കറ്റ് സൗജന്യമെന്ന ഓഫറുമുണ്ട്. യുഎഇയിലെ വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക
https://chat.whatsapp.com/Gng8TrrjGT6FCFNH1KiDVV
