സൗദിയിലെ ജയിലിൽ നിന്ന് വധശിക്ഷ റദ്ദാക്കിയുള്ള കോടതി ഉത്തരവ് വന്നതിന് പിന്നാലെ ബോബി ചെമ്മണ്ണൂരിനെ ഫോണിൽ വിളിച്ച് അബ്ദുൽ റഹീം. ചെയ്ത് തന്ന സഹായങ്ങൾ ഒരിക്കലും മറക്കാനാകില്ലെന്നും ഒരുപാട് നന്ദിയുണ്ടെന്നും റഹീം പറഞ്ഞു. ബോബി ചെമ്മണ്ണൂരിനും കുടുംബത്തിനും വേണ്ടി പ്രാര്‍ത്ഥിക്കുമെന്നും റഹീം പറഞ്ഞു. സൃഷ്ടാവിനോടാണ് നന്ദി പറയേണ്ടതെന്നും തന്നോട് നന്ദി പറയേണ്ട ആവശ്യമില്ലെന്നും ബോബി ചെമ്മണ്ണൂര്‍ മറുപടി പറഞ്ഞു. റഹീമുമായി ഫോണിൽ സംസാരിക്കുന്ന വീഡിയോ ഇൻസ്റ്റഗ്രാം വഴിയാണ് ബോബി ചെമ്മണ്ണൂർ പങ്കുവച്ചത്. 18 വർഷം മുമ്പ് ചെയ്യാൻ ആഗ്രഹിച്ച കാര്യങ്ങൾ ചെയ്യണം കല്യാണം കഴിച്ച് സന്തോഷത്തോടെ ജീവിക്കണം. നാട്ടിൽ വന്നശേഷം ഓട്ടോറിക്ഷ ഓടിക്കാനോ കഷ്ടപ്പെടാനോ പോകേണ്ടെന്നും ഒരു ബിസിനസ് പങ്കാളിയാക്കി കച്ചവടമൊക്കെ ശരിയാക്കി തരാമെന്നും ബോബി ചെമ്മണ്ണൂര്‍ റഹീമിനോട് പറഞ്ഞു. യുഎഇയിലെ വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക
https://chat.whatsapp.com/Gng8TrrjGT6FCFNH1KiDVV
