യുഎഇയിലെ ആദ്യത്തെ അംഗീകൃത ലോട്ടറിക്ക് അനുമതി നൽകി യുഎഇ ഗെയിമിങ് അതോറിറ്റി. ലോട്ടറി ലൈസൻസ് ലഭിച്ചിരിക്കുന്നത് ഗെയിം ഡെവലപ്‌മെന്റ്, ലോട്ടറി ഓപറേഷൻസ്, ഗെയിമിങ്ങുമായി ബന്ധപ്പെട്ട ഉള്ളടക്കം എന്നിവയിൽ വൈദഗ്ധ്യമുള്ള വാണിജ്യ ഗെയിമിങ് ഓപറേറ്ററായ ദ് ഗെയിം എൽഎൽസിക്കാണ്. യുഎഇ ലോട്ടറിയുടെ ബാനറിലാണ് ഇവർ പ്രവർത്തിക്കുക. ഗെയിമിൽ പങ്കെടുക്കുന്നവരുടെ താത്പര്യങ്ങളും സാമ്പത്തിക മുൻഗണനകളും നിറവേറ്റുന്നതിനായി രൂപകൽപന ചെയ്‌തിരിക്കുന്ന വൈവിധ്യമാർന്ന ലോട്ടറി ഗെയിമുകളും മറ്റ് ഗെയിമുകളും അധികൃതർ വാഗ്ദാനം ചെയ്യുന്നു. ഗെയിമുകളുടെ കൃത്യമായ സ്വഭാവം ഇതുവരെ വെളിപ്പെടുത്തിയിട്ടില്ലെങ്കിലും, കമ്പനിയുടെ വെബ്‌സൈറ്റ് “അത്യാധുനിക സാങ്കേതികവിദ്യയും സാംസ്കാരികമായി പ്രസക്തമായ ഗെയിമിംഗ് ഉൽപ്പന്നങ്ങളും” സംയോജിപ്പിക്കുന്നതിൽ ശ്രദ്ധ കേന്ദ്രീകരിക്കുന്നു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HXPNnXCv5YW23WAD7xwBK9
നേരത്തെ മെഹ്സൂസ്, എമിറേറ്റ്സ് ഡ്രോ തുടങ്ങിയ ലോട്ടറികൾ ജിസിജിആർഎ നിരോധിച്ചിരുന്നു. അബുദാബി ബിഗ് ടിക്കറ്റ്, മില്ലെനിയം മില്യനയേഴ്സ് നറുക്കെടുപ്പുകൾ നിലവിൽ നടന്നുവരുന്നു. ജിസിജിആർഎയുടെ പ്രഖ്യാപനം രാജ്യത്തെ വാണിജ്യ ഗെയിമിങ് മേഖലയ്ക്ക് ഒരു പുതിയ നാഴികക്കല്ലാണ്. നിയന്ത്രിത വാണിജ്യ ഗെയിമിങ് മേഖല സ്ഥാപിക്കാനാണ് ഇതിലൂടെ ജിസിജിആർഎ ലക്ഷ്യമിടുന്നത്. യുഎഇയിലെ ആദ്യത്തെ ലൈസൻസുള്ള ലോട്ടറി ഓപ്പറേറ്ററുടെ പ്രഖ്യാപനം വാണിജ്യ ഗെയിമിംഗ് വ്യവസായത്തെ നിയന്ത്രിക്കാൻ ലക്ഷ്യമിടുന്നു. ശക്തമായ ഒരു നിയന്ത്രണ ചട്ടക്കൂട് സ്ഥാപിക്കുന്നതിലൂടെ, ഉപഭോക്താക്കളെ സംരക്ഷിക്കാനും ലോട്ടറികൾ ഉൾപ്പെടെയുള്ള എല്ലാ ഗെയിമിംഗ് പ്രവർത്തനങ്ങളുടെയും ന്യായവും സുതാര്യതയും ഉറപ്പാക്കാനും GCGRA ലക്ഷ്യമിടുന്നു.
