വയനാട്ടിലെ ഉരുൾപൊട്ടൽ മേഖലയിൽ നാലാം ദിവസം നടത്തിയ തെരച്ചിലിൽ പ്രതീക്ഷയേകി അതിജീവന വാർത്ത. നാല് പേരെ ജീവനോടെ കണ്ടെത്തി. പടവെട്ടിക്കുന്നിൽ നിന്ന് രണ്ട് സ്ത്രീകളും രണ്ട് പുരുഷന്മാരുമായി നാല് പേരെ കണ്ടെത്തിയെന്ന് സൈന്യം അറിയിച്ചു. എല്ലാവർക്കും പരുക്കേറ്റിട്ടുണ്ട്. ഒരു പെൺകുട്ടിയുടെ കാലി​നേറ്റ പരുക്ക് ​ഗുരുതരമാണ്. ഇവരെ എയർലിഫ്റ്റ് ചെയ്യുന്നത് പരി​ഗണിക്കുന്നെന്ന് സൈന്യം അറിയിച്ചു. ജീവനോടെ ഇനിയാരും അവശേഷിക്കുന്നില്ലെന്നും സാധിക്കുന്നവരെയെല്ലാം രക്ഷപ്പെടുത്തിയെന്നുമായിരുന്നു സർക്കാരും സൈന്യവും പറഞ്ഞിരുന്നത്. തെരച്ചിൽ ശ്രമങ്ങൾക്ക് പ്രതീക്ഷയേകിയാണ് നാല് പേരെ കണ്ടെത്തിയെന്ന വാർത്ത ലഭിച്ചിരിക്കുന്നത്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HXPNnXCv5YW23WAD7xwBK9