യുഎഇയിൽ പുതിയ വാടക നയം നടപ്പാക്കുന്നതിന് ധനമന്ത്രാലയത്തിന്റെ അംഗീകാരം. രാജ്യത്തെ ബിസിനസ് സാധ്യതകൾ മെച്ചപ്പെടുത്താനും സുസ്ഥിര സാമ്പത്തിക പ്രവർത്തനങ്ങൾ പ്രോത്സാഹിപ്പിക്കാനും ലക്ഷ്യമിട്ടാണ് പുതിയ വാടക നയം നടപ്പാക്കുക. പാട്ടത്തിനെടുക്കുക, വാടകയ്ക്ക് എടുക്കുക തുടങ്ങിയവയ്ക്കുള്ള നിബന്ധനകളും വ്യവസ്ഥകളും ഫെഡറൽ പ്രോപ്പർട്ടികളിലെ ഭൂവുടമകളും വാടകക്കാരും തമ്മിലുള്ള വാടക ബന്ധത്തെ നിയന്ത്രിക്കുന്നതാണ്. റിയൽ എസ്റ്റേറ്റ് വിനിയോഗവും മാനേജ്മെന്റും മെച്ചപ്പെടുത്താൻ പുതിയ നയങ്ങൾ സഹായകമാകും. ഭൂവുടമകളും കുടിയാന്മാരും തമ്മിലുള്ള വാടക ബന്ധം നിയന്ത്രിക്കുക, വാടക കരാറുകളിലെ അവ്യക്തത കുറയ്ക്കുക, ജീവനക്കാരുടെ ഉത്തരവാദിത്തങ്ങൾ നിർവചിക്കുക എന്നിവയും നയങ്ങളിൽ ഉൾപ്പെടുന്നു. കൂടാതെ ഫെഡറൽ പ്രോപ്പർട്ടികൾക്കുള്ള വാടക നിബന്ധനകൾ, പ്രോപ്പർട്ടി തരങ്ങൾ, വാടകക്കാരൻറെ വിഭാഗങ്ങൾ, ആസൂത്രണം, വിലനിർണയം, പാട്ടത്തിനെടുക്കൽ നടപടിക്രമങ്ങൾ എന്നിവയും പുതിയ പോളിസിയുടെ ഭാഗമാകും. വാടക പ്രവർത്തനങ്ങളിൽ ഏർപ്പെട്ടിരിക്കുന്ന ജീവനക്കാർക്ക് ഒരു പ്രാഥമിക റഫറൻസായി നടപടിക്രമങ്ങൾ സ്റ്റാൻഡേർഡ് ചെയ്യുന്നതിനും രേഖപ്പെടുത്തുന്നതിനും വാടക നയങ്ങൾ ഉപകരിക്കും. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HXPNnXCv5YW23WAD7xwBK9
