ആൻഡ്രോയിഡ് ഉപഭോക്താക്കൾക്ക് സുരക്ഷാ മുന്നറിയിപ്പുമായി യുഎഇ
ആൻഡ്രോയിഡ് ഉപയോക്താക്കൾ അവരുടെ ഉപകരണങ്ങൾ അപ്ഡേറ്റ് ചെയ്യണമെന്ന് യുഎഇ സുരക്ഷാ മുന്നറിയിപ്പ് നൽകി. ആൻഡ്രോയിഡ് സുരക്ഷാ അപ്‌ഡേറ്റുകൾ പുറത്തിറക്കിയെന്നും ഉയർന്ന തീവ്രതയുള്ള റിമോട്ട് കോഡ് എക്‌സിക്യൂഷൻ (ആർസിഇ) ഉൾപ്പെടെ ഒന്നിലധികം കേടുപാടുകൾ പരിഹരിക്കുന്നതിനായി അപ്ഡേറ്റ് ചെയ്യണമെന്നും സൈബർ സെക്യൂരിറ്റി കൗൺസിൽ അറിയിച്ചു. നേരത്തെ, യുഎഇയുടെ സൈബർ സുരക്ഷാ കൗൺസിൽ ഗൂഗിൾ ക്രോം ഉപയോക്താക്കൾക്ക് സുരക്ഷാ അപ്‌ഡേറ്റിനെക്കുറിച്ച് മുന്നറിയിപ്പ് നൽകിയിരുന്നു. ക്രോം-ൻ്റെ ഡെസ്‌ക്‌ടോപ്പിലെയും ആൻഡ്രോയിഡ് പതിപ്പിലെയും കേടുപാടുകൾ പരിഹരിക്കുന്നതിന് ഗൂഗിൾ സുരക്ഷാ അപ്‌ഡേറ്റുകൾ പുറത്തിറക്കിയതിന് ശേഷമായിരുന്നു യുഎഇ സൈബർ സെക്യൂരിറ്റി കൗൺസിലിന്റെ നിർദേശം. ആൻഡ്രോയിഡിനുള്ള ഏറ്റവും പുതിയ പതിപ്പായ Chrome 127 (127.0.6533.84)-ലേക്ക് അപ്ഡേറ്റ് ചെയ്യാൻ സൈബർ അതോറിറ്റി ഉപയോക്താക്കളോട് ശുപാർശ ചെയ്തിട്ടുണ്ട്. അടുത്ത കുറച്ച് ദിവസങ്ങളിൽ ഇത് ഗൂഗിൾ പ്ലേയിൽ ലഭ്യമാകും. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HXPNnXCv5YW23WAD7xwBK9
Comments (0)