തിരുവനന്തപുരം: മലയാളി നഴ്സുമാര്ക്ക് വാതില് തുറന്ന് യുകെ. വെയില്സിലേക്ക് നോര്ക്ക റൂട്ട്സ് നഴ്സിങ് റിക്രൂട്ട്മെന്റ് സംഘടിപ്പിക്കുന്നു. വര്ഷം 40 ലക്ഷം വരെ ശമ്പളം സമ്പാദിക്കാം. വിസയും ടിക്കറ്റും തികച്ചും സൗജന്യമായിരിക്കും. ഒരു മാസം സൗജന്യ താമസസൗകര്യവും നല്കും. ഐഇഎല്ടിഎസ്/ഒഇടി, സിബിടി, എന്എംസി അപേക്ഷ ഫീസ്, വിസ, വിമാന ടിക്കറ്റ് എന്നിവ റീ ഇംബേഴ്സ്മെന്റായി ലഭിക്കും. യുകെയില് വിമാനത്താവളത്തില് നിന്നും താമസസ്ഥലത്തേയ്ക്കുളള യാത്ര, ഒരു മാസത്തെ സൗജന്യ താമസം, ഒഎസ്സിഇ പരീക്ഷയുടെ ചെലവ് എന്നിവയും തിരഞ്ഞെടുക്കപ്പെടുന്നവര്ക്ക് ലഭിക്കും. എന്എംസി രജിസ്ട്രേഷന് മുന്പ് 26,928 പൗണ്ടും എന്എംസി രജിസ്ട്രേഷന് ശേഷം ബാന്ഡ് 5 ശമ്പള പരിധിയും (30,420 ക്ഷ37,030) 5,239 പൗണ്ട് മൂല്യമുള്ള 5 വര്ഷം വരെ സ്പോണ്സര്ഷിപ്പിനും അര്ഹതയുണ്ടാകും. റിക്രൂട്ട്മെന്റ് നവംബര് 12 മുതല് 14 വരെ എറണാകുളത്ത് നടക്കും.
അപേക്ഷ എങ്ങനെ അയക്കാം?
www.norkaroots.org , www.nifl.norkaroots.org എന്നീ വെബ്സൈറ്റുകള് സന്ദര്ശിച്ച് വിശദമായ സിവി, ഐഇഎല്ടിഎസ്/ഒഇടി സ്കോര് കാര്ഡ് എന്നിവ സഹിതം ഒക്ടോബര് 25 ന് അകം അപേക്ഷിക്കാവുന്നതാണ്. മുന്പ് നോര്ക്ക റൂട്ട്സിലേയ്ക്ക് അപേക്ഷ നല്കിയ ഉദ്യോഗാര്ഥികളും പ്രസ്തുത റിക്രൂട്ട്മെന്റിന് പ്രത്യേകമായി അപേക്ഷ നല്കേണ്ടതാണ്. തെരഞ്ഞെടുക്കപ്പെടുന്നവരെ 2025 മാര്ച്ചിന് ശേഷമുളള നിയമനങ്ങള്ക്ക് പരിഗണിക്കും. വിശദവിവരങ്ങള്ക്ക് 0471-2770536, 539, 540, 577 എന്നീ നമ്പറുകളിലോ 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്ഡ് കോള് സര്വീസ്) ബന്ധപ്പെടാവുന്നതാണ്.
യോഗ്യത എന്തെല്ലാം?
നഴ്സിങില് ബിരുദം/ ഡിപ്ലോമ വിദ്യാഭ്യാസ യോഗ്യത/ അഭിമുഖത്തിന് തൊട്ടു മുന്പുളള ഒരുവര്ഷത്തില് കുറഞ്ഞത് ആറുമാസത്തെ പ്രവൃത്തിപരിചയവും (ജനറല് നഴ്സിങ്, ഒടി, ഹോസ്പിറ്റല് ഓപ്പറേഷന്സ്, തീയേറ്റര്, കാന്സര് കെയര്) വേണം. ഇതോടൊപ്പം സ്പീക്കിങ്, റീഡിങ്, ലിസണിങ് എന്നിവയില് ഐഇഎല്ടിഎസ് സ്കോര് 7 (റൈറ്റിംഗില് 6.5)/ സ്പീക്കിങ്്, റീഡിങ്, ലിസണിങ് എന്നിവയില് ഒഇടി ബി (റൈറ്റിങില് സി+), നഴ്സിങ് ആന്ഡ് മിഡ്വൈഫറി കൗണ്സില് (എന്എംസി) രജിസ്ട്രേഷന് യോഗ്യതയുമുള്ളവരാകണം. ഐഇഎല്ടിഎസ്/ഒഇടി സര്ട്ടിഫിക്കറ്റിന് 2025 നവംബര് 15 വരെ സാധുതയും ഉണ്ടാകണം. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/CZYi1c6PCafCIJaUmZ5eY5