തിരുവനന്തപുരം: പത്താം ക്ലാസ് പാസ്സായവർക്ക് യുഎഇയയിൽ അവസരം. യുഎഇയിലെ പ്രശസ്തമായ കമ്പനിയിലേക്കുള്ള വനിതാ സെക്യൂരിറ്റി ഗാർഡുമാരുടെ വാക് ഇൻ ഇന്‍റര്‍വ്യൂ ഇന്ന് ( നവംബർ 6) ന് അങ്കമാലിയിൽ വെച്ച് നടക്കും. കേരള സർക്കാർ സ്ഥാപനമായ ഒഡെപെക് മുഖേനയാണ് ഈ റിക്രൂട്ട്മെന്‍റ് നടത്തുന്നത്. ഒഴിവുകളിലേക്ക് വനിതകൾക്കാണ് അവസരം. ഉദ്യോഗാർഥികള്‍ ഇംഗ്ലീഷ് ഭാഷ എഴുതാനും വായിക്കാനും സംസാരിക്കാനുള്ള പരിജ്ഞാനവും എസ്എസ്എൽസി യോഗ്യതയും 165 സെമീ ഉയരവും നല്ല ആരോഗ്യമുള്ളവരും സുരക്ഷയ്ക്കും പൊതു സുരക്ഷയ്ക്കുമുള്ള നിയമ മാർ​ഗനിർദ്ദേശത്തെക്കുറിച്ച് നല്ല ധാരണയുള്ളവരും ആയിരിക്കണം. 25 – 40 ആണ് പ്രായപരിധി. ശമ്പളം 2262 ദിര്‍ഹം. ഈ റിക്രൂട്ട്മെന്‍റിന് സർക്കാർ അംഗീകൃത സർവീസ് ചാർജ് ബാധകമാണ്. താത്പര്യമുള്ള ഉദ്യോഗാർഥികൾ വിശദമായ ബയോഡാറ്റ (ഫോട്ടോ പതിച്ചത്), പാസ്പോർട്ട്, വിദ്യാഭ്യാസം, തൊഴിൽ പരിചയം എന്നിവയുടെ പകർപ്പുകൾ സഹിതം നവംബർ മാസം 6 ന് അങ്കമാലി ഇൻകെൽ ടവർ 1 ലെ നാലാം നിലയിലുള്ള ഒഡെപെക്കിന്റെ ഓഫീസിൽ രാവിലെ 9 മണി മുതൽ നടക്കുന്ന ഇന്റർവ്യൂവിൽ പങ്കെടുക്കേണ്ടതാണ്. ഫോൺ: 0471-2329440/41/42 / 7736496574/ 9778620460. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/CZYi1c6PCafCIJaUmZ5eY5