അബുദാബി: നിങ്ങൾ യുഎഇയിൽ താമസിക്കുന്നവരും എമിറേറ്റ്സ് ഐഡി ഉള്ളവരുമാണെങ്കിൽ അതിന്റെ പ്രാധാന്യത്തെ കുറിച്ച് ബോധവാന്മാരുമാകണം. ഇലക്ട്രോണിക് ചിപ്പ് ഘടിപ്പിച്ചിരിക്കുന്ന ഈ കാർഡിൽ കാർഡ് ഉടമയുടെ എല്ലാ അവശ്യവിവരങ്ങളും അടങ്ങിയിട്ടുണ്ടാകും. എമിറേറ്റ്സ് ഐഡിയിൽ ഹോൾഡറുമായി ബന്ധപ്പെട്ട എൻക്രിപ്റ്റ് ചെയ്ത വിവരങ്ങളുണ്ട്. അത് അംഗീകൃത അധികാരികൾക്ക് പരിശോധിക്കാൻ കഴിയും. എമിറേറ്റ്‌സ് ഐഡി രാജ്യത്തുടനീളം ഒരു തിരിച്ചറിയൽ കാർഡായി ഉപയോഗിക്കുന്നു. തിരിച്ചറിയൽ കാർഡിന് പുറമെ ഇതിന് മറ്റ് നിരവധി ആനുകൂല്യങ്ങളും ഉണ്ട്.

എമിറേറ്റ്സ് ഐഡിയെ കുറിച്ചുള്ള കൂടുതൽ വിവരങ്ങൾ:

1. രാജ്യത്ത് എളുപ്പത്തിൽ പ്രവേശിക്കാനും പുറത്തുകടക്കാനും സാധിക്കും- ഇമിഗ്രേഷൻ, എമിഗ്രേഷൻ തുടങ്ങിയ പ്രക്രിയകൾ കാര്യക്ഷമമാണെങ്കിലും എമിറേറ്റ്സ് ഐഡി ഇല്ലാത്തവർക്ക് പോലും താരതമ്യേന വേഗത്തിൽ ഇമിഗ്രേഷൻ പരിശോധന നടത്താനാകും. എന്നാലും ഈ ഐഡി താമസക്കാർക്ക് ഒരു മുൻതൂക്കം നൽകുന്നു. യുഎഇയിലെ താമസക്കാർക്ക് അവരുടെ മുഖം സ്‌കാൻ ഉപയോഗിച്ച് ഇ-ഗേറ്റുകളിലൂടെ ബോർഡിങ് പാസ് ഉപയോഗിച്ച് രാജ്യത്ത് പ്രവേശിക്കാനും പുറത്തുപോകാനും കഴിയും.
2. വിസ രഹിത യാത്രയിലേക്ക് പ്രവേശനം നേടാനാകും- യുഎഇ നിവാസികൾക്ക് ലോകമെമ്പാടുമുള്ള നിരവധി ജനപ്രിയ ലക്ഷ്യസ്ഥാനങ്ങളിലേക്ക് വിസ-ഫ്രീ അല്ലെങ്കിൽ വിസ-ഓൺ-അറൈവൽ ഉപയോഗിച്ച് യാത്ര ചെയ്യാനാകും
3. എമിറേറ്റ്സ് ഐഡി ഉപയോഗിച്ച് ഇന്ധനത്തിന് പണമടയ്ക്കുക– ഇന്ധനത്തിന് പണമടയ്ക്കാൻ രാജ്യത്തെ പെട്രോൾ സ്റ്റേഷനുകളിൽ എമിറേറ്റ്സ് ഐഡി ഉപയോഗിക്കാം. അടുത്ത തവണ നിങ്ങൾ ഒരു അഡ്‌നോക് സ്റ്റേഷനിൽ ഇന്ധനം നിറയ്ക്കുകയാണെങ്കിൽ, ഒരു അഡ്‌നോക് വാലറ്റിനായി രജിസ്റ്റർ ചെയ്യുക. നിങ്ങളുടെ എമിറേറ്റ്‌സ് ഐഡി നിങ്ങളുടെ വാലറ്റുമായി ലിങ്ക് ചെയ്‌ത് അതിൽ ഫണ്ട് ലോഡ് ചെയ്യാം. അതിനാൽ, ഭാവിയിൽ, നിങ്ങളുടെ ക്രെഡിറ്റ് കാർഡ് സ്വൈപ്പ് ചെയ്യുന്നതിനുപകരം, ഇന്ധനത്തിന് പണമടയ്ക്കാൻ എമിറേറ്റ്സ് ഐഡി സ്വൈപ്പ് ചെയ്യാം.
4. ആരോഗ്യ ഇൻഷുറൻസ് കാർഡ് ഇല്ലേ? ഒരു പ്രശ്നവുമില്ല!– എമിറേറ്റ്‌സ് ഐഡിയിൽ ആരോഗ്യ പരിരക്ഷ ലഭിക്കുന്നതിന് നൽകേണ്ടതെല്ലാം അടങ്ങിയിട്ടുണ്ട്.
5. വിസ നില പരിശോധിക്കാം- വിസ സ്റ്റാറ്റസ് ഓൺലൈനായി പരിശോധിക്കണമെങ്കിൽ, എമിറേറ്റ്സ് ഐഡി ഉപയോഗിച്ച് അത് ചെയ്യാം. ജിഡിആർഎഫ്എ (GDRFA ദുബായ്) അല്ലെങ്കിൽ ഐസിപി (ICP യുഎഇ) വെബ്‌സൈറ്റിൽ നിങ്ങളുടെ തിരിച്ചറിയൽ കാർഡ് ഉപയോഗിക്കാം.
6. യാത്രാ നിരോധനം പരിശോധിക്കാം- ദുബായ് പോലീസ് ആപ്ലിക്കേഷൻ അല്ലെങ്കിൽ ഐസിപി വെബ്സൈറ്റ് ഉപയോഗിച്ച് നിങ്ങൾക്ക് യാത്രാ നിരോധന കിട്ടിയിട്ടുണ്ടോയെന്ന് ഓൺലൈനായി പരിശോധിക്കാം. സേവന വിഭാഗത്തിലേക്ക് പോയി യാത്രാ നിരോധന ഓപ്ഷൻ തെരഞ്ഞെടുക്കുക, തുടർന്ന് നിങ്ങൾക്ക് യാത്രാ നിരോധനമുണ്ടോയെന്ന് പരിശോധിക്കാൻ എമിറേറ്റ്സ് ഐഡി വിശദാംശങ്ങൾ നൽകുക.
7. സർക്കാർ സേവനങ്ങൾ ഓൺലൈനായി പരിശോധിക്കാം– ഒരു താമസക്കാരന് എമിറേറ്റ്സ് ഐഡി ലഭിച്ചുകഴിഞ്ഞാൽ സർക്കാർ സേവനങ്ങൾ ആക്സസ് ചെയ്യുന്നത് വളരെ എളുപ്പമാകും. ഹ്യൂമൻ റിസോഴ്‌സസ് ആൻഡ് എമിറേറ്റൈസേഷൻ മന്ത്രാലയത്തിൽ നിന്നും ആഭ്യന്തര മന്ത്രാലയത്തിൽ നിന്നുമുള്ള സേവനങ്ങൾ ഉൾപ്പെടെ നിരവധി ഓൺലൈൻ പോർട്ടലുകളിൽ ഒന്ന് താമസക്കാർക്ക് ഉപയോഗിക്കാം.
8. ഡ്രൈവിങ് ലൈസൻസ് നേടാം– ഡ്രൈവിങ് ലൈസൻസ് നേടുന്നതിന് അപേക്ഷിക്കുന്നതും കർശനമായ പരിശോധനകൾ നൽകുന്നതും യുഎഇയിൽ എളുപ്പമുള്ള കാര്യമല്ല. എന്നിരുന്നാലും, ഒരു പ്രാദേശിക ഡ്രൈവിങ് ലൈസൻസ് ലഭിക്കുന്നതിന് ഒരു അപേക്ഷകന് എമിറേറ്റ്സ് ഐഡി ഉണ്ടായിരിക്കണം. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
   https://chat.whatsapp.com/FEGyCcuaPc2LXexgoWh68A