കരിപ്പൂര്‍: ദുബായിൽനിന്ന് കോഴിക്കോട്ടേക്ക് പുറപ്പെട്ട വിമാനം അടിയന്തരമായി തിരിച്ചിറക്കി. ഫ്ലൈ ദുബൈ വിമാനമാണ് തിരിച്ചിറക്കിയത്. വിമാനത്തിനുള്ളില്‍ യാത്രക്കാരന്‍ മദ്യപിച്ച് ബഹളമുണ്ടാക്കിയതിനെ തുടര്‍ന്നാണ് വിമാനം തിരിച്ചിറക്കിയത്. ഞായറാഴ്ച പുലര്‍ച്ചെ 1.30 യ്ക്കാണ് വിമാനം പുറപ്പെട്ടത്. വിമാനത്തിനുള്ളില്‍ വേങ്ങര സ്വദേശിയായ യാത്രക്കാരന്‍ മദ്യപിച്ച് ബഹളമുണ്ടാക്കിയിരുന്നു. ദുബായില്‍ നിന്ന് വിമാനം പുറപ്പെട്ടശേഷവും ഇയാള്‍ ബഹളം തുടര്‍ന്നു. മറ്റ് യാത്രക്കാര്‍ക്ക് ശല്യമായതോടെ വിമാനം തിരിച്ചിറക്കുകയായിരുന്നു. തുടര്‍ന്ന്, പോലീസെത്തി ഇയാളെ കൊണ്ടുപോയതിന് ശേഷമാണ് വിമാനം വീണ്ടും യാത്ര തിരിച്ചത്. യാത്രക്കാരില്‍നിന്ന് ആവശ്യമായ വിവരങ്ങള്‍ ശേഖരിച്ച ശേഷമാണ് ദുബായ് പോലീസ് ഇയാളെ കൊണ്ടുപോയത്. രാവിലെ ഏഴുമണിയോടെ കരിപ്പൂരില്‍ എത്തേണ്ടതായിരുന്നു. പിന്നീട് രാവിലെ പത്തരയോടെയാണ് വിമാനം എത്തിയത്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
https://chat.whatsapp.com/FEGyCcuaPc2LXexgoWh68A
