റാ​സ​ൽഖൈ​മ: അപ്രതീക്ഷിത വേലിയേറ്റത്തെ തുടർന്ന് കടലിൽ കുടുങ്ങിയ യുവാക്കൾക്ക് രക്ഷകരായെത്തിയത് സമീപവാസികൾ. 20കാരായ തദ്ദേശീയരായ യുവാക്കളാണ് കടലിൽ കുടുങ്ങിയത്. യുവാക്കൾ മത്സ്യബന്ധനത്തിലേർപ്പെട്ടിരിക്കുമ്പോൾ പെട്ടെന്ന് വേലിയേറ്റം രൂപപ്പെടുകയായിരുന്നു. കരയിലേക്ക് വരാൻ കഴിയാതെ യുവാക്കൾ കടലിൽ കുടുങ്ങുകയായിരുന്നു. സ​മീ​പ​വാ​സി​ക​ളു​ടെ സാ​ഹ​സി​ക ര​ക്ഷാ​പ്ര​വ​ർത്ത​നം തു​ണ​യാ​കു​ക​യാ​യി​രു​ന്നെ​ന്ന് റാസ് അൽ ഖൈമ (റാ​ക്) പോ​ലീ​സ് വൃ​ത്ത​ങ്ങ​ൾ പ​റ​ഞ്ഞു. വേ​ലി​യേ​റ്റം കാ​ര​ണം ക​ര​യി​ലെ​ത്താ​ൻ ക​ഴി​യു​ന്നി​ല്ലെ​ന്ന വി​വ​രം യു​വാ​ക്ക​ളി​ലൊ​രാ​ൾ റാ​ക് പൊ​ലീ​സി​നെ അ​റി​യി​ക്കുകയായിരുന്നു. ര​ക്ഷാ​ദൗ​ത്യസേ​ന സം​ഭ​വ​സ്ഥ​ല​ത്ത് എ​ത്തു​ന്ന​തി​ന് മുൻപെ സ​മീ​പ​വാ​സി​ക​ൾ മൂ​ന്നുപേ​രെ​യും സു​ര​ക്ഷി​ത​മാ​യി ക​ര​യി​ലെ​ത്തി​ച്ചു. മൂ​ന്ന് പേ​ർക്കും പ്രാ​ഥ​മി​ക വൈ​ദ്യ പ​രി​ശോ​ധ​ന ല​ഭ്യ​മാ​ക്കി. ആ​രോ​ഗ്യ​നി​ല തൃ​പ്തി​ക​ര​മാ​ണെ​ന്ന് ഉ​റ​പ്പ് വ​രു​ത്തി​യ​തായി അ​ധി​കൃ​ത​ർ അ​റി​യി​ച്ചു. യു​വാ​ക്ക​ളെ ര​ക്ഷി​ക്കു​ന്ന​തി​ൽ പൊ​തു​ജ​ന​ങ്ങ​ളു​ടെ ഇ​ട​പെ​ട​ൽ പ്ര​ശം​സ​ അ​ർഹി​ക്കു​ന്ന​താ​യി റാ​ക് പോലീ​സ് വ്യ​ക്ത​മാ​ക്കി. ക​ട​ലി​ൽ മ​ത്സ്യ​ബ​ന്ധ​ന​ത്തി​ലും വി​നോ​ദ​ത്തി​ലും ഏ​ർപ്പെ​ടു​ന്ന​വ​ർ മു​ൻക​രു​ത​ൽ എ​ടു​ക്ക​ണ​മെ​ന്ന് അ​ധി​കൃ​ത​ർ നി​ർദേ​ശി​ച്ചു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
https://chat.whatsapp.com/FEGyCcuaPc2LXexgoWh68A