അബുദാബി: യുഎഇയിൽ സെക്യൂരിറ്റി ​ഗാർഡ് തസ്തികയിൽ ജോലി ഒഴിവ്. സംസ്ഥാന സർക്കാർ സ്ഥാപനമായ ഒഡപെക് വഴി ജോലി നേടാം. ജോലിക്ക് അപേക്ഷിക്കാനുള്ള പ്രായം, വിദ്യാഭ്യാസം, ശമ്പളം എന്നിവ പരിശോധിക്കാം.

പ്രായം- 25 നും 40 നും ഇടയിലുള്ള പുരുഷൻമാർക്കാണ് അപേക്ഷിക്കാൻ സാധിക്കുക. ഉദ്യോഗാർഥികൾക്ക് കുറഞ്ഞത് അ‍ഞ്ചടി 9 ഇഞ്ച് ഉയരം ആവശ്യമാണ്. ആരോഗ്യപരമായ ഫിറ്റ് ആയിരിക്കണം. ശരീരത്തിൽ പുറമെക്ക് കാണുന്ന രീതിയിൽ ടാറ്റൂവോ പാടുകളോ പാടില്ല.

വിദ്യാഭ്യാസം- എസ്എസ്എൽസിയാണ് അടിസ്ഥാന യോഗ്യത. ഇംഗ്ലീഷ് നന്നായി എഴുതാനും വായിക്കാനും സംസാരിക്കാനും അറിഞ്ഞിരിക്കണം. മറ്റ് ഭാഷകൾ അറിയുന്നവർക്ക് മുൻഗണനയുണ്ട്. പൊതുസുരക്ഷാ മാർഗനിർദ്ദേശങ്ങൾ സംബന്ധിച്ച് വ്യക്തമായ ധാരണ ഉണ്ടായിരിക്കണം. സെക്യൂരിറ്റി ജോലിയുമായി ബന്ധപ്പെട്ട നടപടിക്രമങ്ങളെ കുറിച്ച് അവബോധമുണ്ടായിരിക്കണം. കുറഞ്ഞത് രണ്ട് വർഷം പ്രവൃത്തപരിചയവും ആവശ്യമാണ്.

ശമ്പളം- ജോലിക്ക് തെരഞ്ഞെടുക്കപ്പെടുന്നവർക്ക് അടിസ്ഥാന ശമ്പളം 1,200 ദിർഹം ആയിരിക്കും. താമസസൗകര്യം ഉണ്ടാകും. സെക്യൂരിറ്റി അലവൻസായി 720 ദിർഹവും ഓവർ ടൈം അലവൻസായി 342 ദിർഹവും ലഭിക്കും. താത്പര്യമുള്ള ഉദ്യോഗാർഥികൾ നവംബർ 23 ന് മുൻപായി [email protected] എന്ന മെയിൽ അഡ്രസിൽ സിവി അയക്കണം. സിവിയുടെ സബ്ജെക്റ്റിൽ സെക്യൂരിറ്റി ഗാർഡ് യുഎഇ എന്ന് പ്രത്യേകം പരാമർശിക്കണം. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
https://chat.whatsapp.com/FEGyCcuaPc2LXexgoWh68A