അബുദാബി: സ്വര്‍ണക്കട്ടി വാരിക്കൂട്ടി രണ്ട് മലയാളികള്‍. നവംബര്‍ മാസത്തെ ബിഗ് ടിക്കറ്റ് വിജയികളെയാണ് പ്രഖ്യാപിച്ചത്. വിജയികള്‍ക്ക് ദിവസവും 79,000 യുഎഇ ദിര്‍ഹം മൂല്യമുള്ള 24 കാരറ്റിന്‍റെ 250 ഗ്രാം സ്വര്‍ണം നേടാം. മലയാളികളായ രാജേന്ദ്ര പ്രസാദ്, ജീവന്‍രാജ് കോച്ചേരി, മുകുന്ദ് കുമാർ ജഗ്ജീവൻ ദാസ്, വിദ്യാ സുമൻ, മുഹമ്മദ് ത്വക്കിർ ജാവേദ്, ജിതിൻ ജേക്കബ് എന്നിവരാണ് സ്വര്‍ണക്കട്ടി നേടിയത്. നവംബർ 15 ലെ വിജയിയായ രാജേന്ദ്ര പ്രസാദ് മലയാളിയാണ്. കഴിഞ്ഞ ആറ് വര്‍ഷമായി സ്ഥിരമായി ബിഗ് ടിക്കറ്റ് കളിക്കുന്നവരാണ് പ്രസാദ്. ‘തന്‍റെ മൂന്ന് സുഹൃത്തുക്കൾക്കൊപ്പമാണ് ടിക്കറ്റ് എടുക്കാറെന്ന് രാജേന്ദ്ര പ്രസാദ് പറഞ്ഞു. ആറ് വർഷമായി റിച്ചാർഡിന്റെ വിളിക്കായി കാത്തിരിക്കുകയാണ്. ഒടുവിൽ അത് സംഭവിച്ചു. സ്വർണ്ണക്കട്ടി വിറ്റ് പണമാക്കാനാണ് ആഗ്രഹം. കഴിയുന്നത്ര നാൾ ബിഗ് ടിക്കറ്റ് കളിക്കും. എല്ലാവരോടും ബിഗ് ടിക്കറ്റ് കളിക്കുന്നത് തുടരണമെന്ന്’ രാജേന്ദ്രപ്രസാദ് പറഞ്ഞു. നവംബര്‍ 16 ലെ വിജയിയാണ് ജീവന്‍രാജ് കോച്ചേരി. സ്പോർട്സ് സ്പെയർ പാർട്സ് മാനേജറായ ജീവൻരാജ് മസ്കറ്റില്‍ 18 വർഷമായി ജോലി ചെയ്യുകയാണ്. ഏഴ് സുഹൃത്തുക്കൾക്കൊപ്പം മൂന്നു വർഷമായി ബിഗ് ടിക്കറ്റ് കളിക്കുകയാണ് അദ്ദേഹം.’ സമ്മാനവും സുഹൃത്തുക്കൾക്കൊപ്പം പങ്കിടുമെന്ന്’ ജീവന്‍രാജ് പങ്കുവെച്ചു. മുകുന്ദ് കുമാര്‍ ജഗ്ലീവന്‍ ദാസ് നവംബര്‍ 17 ലെയും വിദ്യാ സുമന്‍ 18 ലെയും വിജയിയായി. ഷാർജയിൽ 17 വർഷമായി ജീവിക്കുന്ന വിദ്യ മാർക്കറ്റിങ് മാനേജറായി ജോലി ചെയ്യുകയാണ്. കഴിഞ്ഞ പത്ത് വർഷമായി ഭർത്താവിനൊപ്പം ടിക്കറ്റ് എടുക്കുകയാണ് വിദ്യ. ഇതുവരെ സമ്മാനമൊന്നും ലഭിക്കാത്തത് കൊണ്ട് ഭാഗ്യമില്ലെന്നാണ് കരുതിയിരുന്നത്. വിജയത്തോടെ അത് മാറി. സ്വർണ്ണം സൂക്ഷിച്ചുവെക്കാനാണ് ആഗ്രഹം. മക്കളുടെ ആവശ്യങ്ങൾക്ക് വേണ്ടി അത് ഉപയോഗിക്കും, വിദ്യയുടെ വാക്കുകള്‍. മുഹമ്മദ് ത്വക്കിര്‍ ജാവേദാണ് നവംബര്‍ 19 ലെ വിജയിയായത്. റഷ്യയിൽ നിന്നുള്ള ബിസിനസ്സുകാരനായ മുഹമ്മദ് ഒന്നര വർഷമായി ദുബായിൽ ജീവിക്കുന്നു. അബുദാബി എയർപോർട്ടിൽ വെച്ചാണ് ബിഗ് ടിക്കറ്റിനെക്കുറിച്ച് അറിഞ്ഞത്. ഒരു വർഷമായി ഇടയ്ക്കിടെ ഗെയിം കളിക്കുന്നുമുണ്ട്. സ്വർണ്ണം എങ്ങനെ ഉപയോഗിക്കണം എന്നതിൽ തീരുമാനിച്ചിട്ടില്ല. ഉറപ്പായും ഇനിയും ഗെയിം കളിക്കുന്നത് തുടരുമെന്ന്’ മുഹമ്മദ് പറയുന്നു. ജിതിന്‍ ജേക്കബാണ് നവംബര്‍ 20 ലെ സ്വര്‍ണം നേടിയത്. യുഎഇയിൽ താമസിക്കുകയാണ് ജിതിൻ. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
https://chat.whatsapp.com/FEGyCcuaPc2LXexgoWh68A
