Losing Passenger’s Luggage: യുഎഇ: യാത്രക്കാരുടെ ലഗേജ് നഷ്‌ടപ്പെട്ടാൽ വിമാനക്കമ്പനികൾക്ക് എട്ടിന്‍റെ പണി, കിലോയ്ക്ക് നല്‍കേണ്ടത്…
Losing Passenger’s Luggage അബുദാബി: യാത്രക്കാരുടെ ലഗേജ് നഷ്ടപ്പെട്ടാല്‍ വിമാനക്കമ്പനികള്‍ക്ക് എട്ടിന്‍റെ പണി കിട്ടും. ബാഗിന്‍റെ ഭാരം അനുസരിച്ച് വന്‍ തുക ഈടാക്കും. കിലോയ്ക്ക് 500 ദിര്‍ഹം നിരക്ക് ഈടാക്കാം. ഒന്നോ രണ്ടോ ദിവസത്തിനുള്ളില്‍ ലഗേജ് താമസസ്ഥലത്ത് വിമാനക്കമ്പനി അധികൃതര്‍ എത്തിച്ചുനല്‍കുമെന്ന് പറഞ്ഞാലും യാത്രക്കാര്‍ക്ക് കേസ് ഫയല്‍ ചെയ്യാം. യാത്രക്കാരുടെ ലഗേജിന്‍റെ ഉത്തരവാദിത്തം പൂര്‍ണമായും വിമാനക്കമ്പനികള്‍ക്കാണ്. കൂടാതെ, ഒരു എയർലൈൻ യാത്രക്കാരുടെ ചെക്ക് – ഇൻ ലഗേജുകള്‍ക്ക് ഏതെങ്കിലും തരത്തില്‍ കേടുപാടുകൾക്കോ നഷ്ടത്തിനോ ഉത്തരവാദിയായാല്‍ നഷ്ടപരിഹാരം ആവശ്യപ്പെടാം. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/FTw8WjZO1ju67s7Gywxgvz ഇത് യുഎഇ വാണിജ്യ ഇടപാട് നിയമത്തിലെ ആർട്ടിക്കിൾ 356 (1) പ്രകാരമാണ്. യാത്രയ്ക്കിടയിലും അതിനുശേഷവും യാത്രക്കാരുടെ ലഗേജുകൾക്ക് കേടുപാടുകൾ സംഭവിക്കുകയോ നഷ്‌ടപ്പെടുകയോ ചെയ്‌താൽ, ഒരു യാത്രക്കാരന് ലഗേജ് കൈമാറുന്നതിന് മുന്‍പ്, ഒരു വിമാനക്കമ്പനി ഒരു കിലോഗ്രാം ലഗേജിന് 500 ദിർഹം വരെ നഷ്ടപരിഹാരം നൽകേണ്ടിവരും. നഷ്ടപ്പെട്ട ലഗേജിനെക്കുറിച്ച് നിങ്ങൾക്ക് എയർലൈനിൽ ഒരു പരാതി ഫയൽ ചെയ്യാം. എയർലൈനിൻ്റെ പ്രതികരണത്തിൽ തൃപ്തിയില്ലെങ്കിൽ, ദുബായ് സിവിൽ ഏവിയേഷൻ അതോറിറ്റിക്ക് പരാതി സമർപ്പിക്കുന്നത് പരിഗണിക്കാം. പ്രശ്നം പരിഹരിക്കപ്പെടാതെ തുടരുകയാണെങ്കിൽ, ദുബായ് കോടതികളിൽ എയർലൈനിനെതിരെ സിവിൽ ക്ലെയിം ഫയൽ ചെയ്യുകയും നഷ്ടപരിഹാരം തേടുകയും ചെയ്യാം.
Comments (0)