യുഎഇയിൽ ഇന്ന് പൊതുവെ ഭാ​ഗികമായി മേഘാവൃതമായ അന്തരീക്ഷമായിരിക്കും. അതേസമയം തീരപ്രദേശങ്ങളിലും ദ്വീപ് പ്രദേശങ്ങളിലും 95 ശതമാനത്തോളം രേഖപ്പെടുത്തിയിരുന്ന ഈർപ്പത്തിൻ്റെ അളവ് താഴ്ന്നുതുടങ്ങി. നാഷണൽ സെൻ്റർ ഓഫ് മെറ്റീരിയോളജിയുടെ കണക്കനുസരിച്ച്, വ്യാഴാഴ്ച ഈർപ്പത്തിൻ്റെ അളവ് 30% മുതൽ 70% വരെ ആയിരിക്കും. ​ഗാസോറയിൽ ഏറ്റവും കൂടിയ താപനില 48 ഡി​ഗ്രി സെൽഷ്യസായിരിക്കും. അബുദാബിയിൽ 44 ഡിഗ്രി സെൽഷ്യസും ദുബായിൽ 41 ഡിഗ്രി സെൽഷ്യസ് താപനിലയും അനുഭവപ്പെടും. ശനിയാഴ്ച മുതൽ ഭാഗികമായി മേഘാവൃതമായ കാലാവസ്ഥയുള്ളതിനാൽ താപനില കുറയുമെന്ന് പ്രതീക്ഷിക്കുന്നതിനാൽ യുഎഇ നിവാസികൾക്ക് ഈ വാരാന്ത്യത്തിൽ കുറച്ച് ആശ്വാസം പ്രതീക്ഷിക്കാം. ഇടയ്ക്കിടെ മേഘാവൃതമായ കാലാവസ്ഥയാണ് പ്രതീക്ഷിക്കുന്നത്. പടിഞ്ഞാറൻ ഭാഗത്തേക്ക്, താപനിലയിൽ ചെറിയ കുറവ് അനുഭവപ്പെട്ടേക്കും. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HXPNnXCv5YW23WAD7xwBK9