അബുദാബിയിലുണ്ടാകുന്ന ചെറു അപകടങ്ങളെ കുറിച്ച് അറിയിക്കാൻ സാ​യി​ദ് സ്മാ​ർ​ട്ട് ആ​പ്ലി​ക്കേ​ഷ​ൻ ഉപയോ​ഗപ്പെടുത്തണമെന്ന് നിർദേശിച്ച് അധികൃതർ. എമർജൻസി നമ്പറായ 999ൽ ​വി​ളി​ക്കേ​ണ്ട​തി​ല്ലെ​ന്നും അബുദാബി പൊലീസ് ജനറൽ കമാൻഡും സായിദ് ട്രാഫിക് സിസ്റ്റംസ് കമ്പനിയും വ്യക്തമാക്കി. അടുത്തമാസം ഒന്ന് മുതലാണ് ആപ്പ് പ്രവർത്തനസജ്ജമാകുന്നത്. ചെ​റി​യ അ​പ​ക​ട​മാ​ണെ​ങ്കി​ൽ ഡ്രൈ​വ​ർ​മാ​ർക്ക് ആ​പ്പി​ലൂ​ടെ നേ​രി​ട്ട് റി​പ്പോ​ർ​ട്ട് ചെ​യ്യാനും അ​പ​ക​ട​മു​ണ്ടാ​യ സ്ഥ​ലം ആ​പ്പി​ലെ മാ​പ്പ് ഉ​പ​യോ​​ഗി​ച്ച് പി​ൻ ചെ​യ്യാനും സാധിക്കും. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HXPNnXCv5YW23WAD7xwBK9 കൂടാതെ വാഹനത്തിന് സംഭവിച്ച കേടുപാടുകളെ കുറിച്ച് റിപ്പോർട്ട് ചെയ്യാൻ സാധിക്കും. തുടർന്ന് അ​പ​ക​ടം റി​പ്പോ​ർ​ട്ട് ചെ​യ്ത​തി​ൻറെ ക​ൺ​ഫ​ർ​മേ​ഷ​ൻ യൂ​സ​ർ​ക്ക് ല​ഭി​ക്കുകയും ചെയ്യും. റോഡിൽ വച്ച് അപകടമുണ്ടായാൽ ​ഗതാ​ഗത തടസമുണ്ടാക്കാത്ത തരത്തിൽ സുരക്ഷിതമായ സ്ഥലത്തേക്ക് വാഹനം നീക്കിയിടണം. ആപ്പ് തുറന്നു കഴിഞ്ഞാൽ ആ​ക്സി​ഡ​ൻറ്​ റി​പ്പോർ​ട്ട് സ​ർ​വീ​സ് തെരഞ്ഞെടുക്കുക. തുടർന്ന് ഫോൺ നമ്പർ നൽകുക. ഇതിലൂടെ ഓട്ടോമാറ്റിക്കായി അപകടസ്ഥലം കണ്ടെത്താൻ സാധിക്കും. എ​ന്തു ത​രം അ​പ​ക​ട​മാ​ണെന്ന് ആപ്പിലൂടെ വ്യക്തമാക്കണം. തുടർന്ന് വാഹനത്തി​ന്റെ രേഖകളും ഡ്രൈവറുടെ ലൈസൻസും അപ് ലോഡ് ചെയ്യണം. തുടർന്ന് അ​പ​ക​ട​ത്തി​ന് ഇ​ര​യാ​യ ആ​ളു​ടെ​യും അ​പ​ക​ട​മു​ണ്ടാ​ക്കി​യ ആ​ളു​ടെ​യും വാ​ഹ​ന​ങ്ങ​ളു​ടെ​യും വി​ശ​ദാം​ശ​ങ്ങ​ൾ ന​ൽ​കു​ക. ഇവയ്ക്ക് ശേഷം ഓ കെ എന്നതിൽ അമർത്തുക. ഇതോടെ ഡ്രൈവർക്ക് ഒരു അപേക്ഷ നമ്പർ ലഭിക്കുന്നതാണ്. മെയ് മാസത്തിൽ ഷാർജയിൽ ചെറു അപകടങ്ങൾ റിപ്പോർട്ട് ചെയ്യാൻ പ്രത്യേക നമ്പർ സംവിധാനം ഏർപ്പെടുത്തിയിരുന്നു. 80092 എ​ന്ന ന​മ്പ​റിലൂടെയാണ് ഷാർജയിൽ ചെറു അപകടങ്ങൾ റിപ്പോർട്ട് ചെയ്യേണ്ടത്. കഴിഞ്ഞ വർഷം ദുബായിലും പ്രത്യേക പൊലീസ് ആപ്പ് പ്രവർത്തനസജ്ജമാക്കിയിരുന്നു.

ആപ്പ് പ്ലേസ്റ്റോറിൽ ഡൗൺലോഡ് ചെയ്യുന്നതിന്
https://play.google.com/store/apps/details?id=international.softec.saaed&pcampaignid=web_share

ആപ്പ് സ്റ്റോറിൽ ഡൗൺലോഡ് ചെയ്യുന്നതിന്
https://apps.apple.com/sa/app/saaed/id687287388