യുഎഇയിലെ കോൾഡ് കോളർമാരും ടെലിമാർക്കറ്റിംഗ് സ്ഥാപനങ്ങളും ഓഗസ്റ്റ് 27 ന് ആരംഭിക്കാൻ പോകുന്ന പുതിയ നിയന്ത്രണങ്ങൾക്ക് അനുസൃതമായി അവരുടെ പ്രവർത്തനങ്ങളിൽ കാര്യമായ മാറ്റങ്ങൾ വരുത്തി. ഒരു ദിവസം ഏകദേശം ആയിരം കോളുകൾ വിളിച്ചിരുന്നെങ്കിൽ ഇനി 7 അല്ലെങ്കിൽ 10 കോളുകളാക്കി വെട്ടിക്കുറച്ചിരിക്കുന്നു. പുതിയ നിയമത്തിന് കീഴിൽ ചുമത്തിയിരിക്കുന്ന കനത്ത പിഴകൾ ഒഴിവാക്കുന്നതിനായാണ് ടെലിമാർക്കറ്റിംഗ് കമ്പനികൾ പുതിയ നീക്കം നടത്തുന്നത്. ജൂൺ ആദ്യം പ്രഖ്യാപിച്ച പുതിയ നിയമങ്ങൾ പ്രകാരം, ടെലിമാർക്കറ്റർമാർ ഉപഭോക്താക്കളെ വിളിക്കാൻ കഴിയുന്ന സമയങ്ങളിൽ കർശനമായ പരിമിതികൾ ഏർപ്പെടുത്തിയിട്ടുണ്ട്. കോൾഡ് കോളർമാർക്കും ടെലിമാർക്കറ്റിംഗ് സ്ഥാപനങ്ങൾക്കും ലംഘനങ്ങൾക്ക് 5,000 ദിർഹം മുതൽ 150,000 ദിർഹം വരെ സാമ്പത്തിക പിഴ ചുമത്താം. അതേസമയം കമ്പനി നൽകുന്ന നമ്പറുകളിലൂടെ വിളിക്കാനും വ്യക്തിഗത നമ്പറുകൾ ഉപയോഗിക്കരുതെന്നുമായ കർശന നിർദേശമാണണ് നൽകിയിരിക്കുന്നതെന്ന് ഒരു ജീവനക്കാരി പറയുന്നു. വൈകിട്ട് 6 മണിക്ക് ശേഷം കോളുകളൊന്നും വിളിക്കപ്പെടുന്നില്ലെന്ന് ഉറപ്പാക്കാൻ കർശനമായ നയങ്ങൾ നിലവിലുണ്ട്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/Lcg8GbX4UOK66lKqe8tbVF

മാനേജ്‌മെൻ്റിൽ നിന്നുള്ള സമീപകാല മാർഗ്ഗനിർദ്ദേശങ്ങൾ ഉപഭോക്തൃ സ്വകാര്യതയോടുള്ള സുതാര്യതയും ആദരവും എടുത്തുകാണിക്കുന്നതാണ്. ഫോൺ വിളിക്കുമ്പോൾ ഞങ്ങൾ ഞങ്ങളെയും കമ്പനിയെയും പരിചയപ്പെടുത്തണം, ഞങ്ങൾ കോൾ റെക്കോർഡ് ചെയ്യുകയാണെങ്കിൽ തുടക്കത്തിൽ തന്നെ ഉപഭോക്താവിൻ്റെ അനുമതി വാങ്ങണം. ഞങ്ങളുടെ ലക്ഷ്യങ്ങൾ നിറവേറ്റുന്നതിനായി ഉപഭോക്താവിനെ സമ്മർദ്ദത്തിലാക്കുകയോ ലാഭകരമായ വ്യാജ ഓഫറുകൾ നൽകുകയോ ചെയ്യരുതെന്ന് ഞങ്ങൾക്ക് കർശന നിർദ്ദേശങ്ങളുണ്ട്. ഒരു വ്യക്തി പോളിസി വാങ്ങാൻ തയ്യാറല്ലെങ്കിൽ, ഞങ്ങൾ അത് മാനിക്കണം, മൂന്ന് ദിവസത്തിന് ശേഷം അവരെ വീണ്ടും വിളിക്കരുത്. നാലാം ദിവസം നമുക്ക് വിളിച്ച് അവരെ മുൻ സംഭാഷണം ഓർമ്മിപ്പിക്കാം,” എന്നും ജീവനക്കാരൻ പറയുന്നു. “നേരത്തെ, കോളുകൾ ലഭിച്ചില്ലെങ്കിൽ ഞങ്ങൾ ഉപഭോക്താവിനെ രണ്ടോ മൂന്നോ തവണ വിളിക്കുമായിരുന്നു. ഉപഭോക്താവിനെ ദിവസത്തിൽ ഒന്നിൽ കൂടുതൽ അല്ലെങ്കിൽ ആഴ്ചയിൽ മൂന്ന് തവണ വിളിക്കരുതെന്ന് ഇപ്പോൾ ഞങ്ങളെ അറിയിച്ചിട്ടുണ്ട്” എന്നും അദ്ദേഹം കൂട്ടിച്ചേർത്തു.