ഏറെ പ്രതീക്ഷയോടെ കാത്തിരുന്ന iPhone 16 യുഎഇയിലുടനീളമുള്ള സ്റ്റോറുകളിൽ എത്തിയിരിക്കുന്നു. നിങ്ങൾ iPhone 16 Pro അല്ലെങ്കിൽ iPhone 16 Pro Max-ലേക്ക് അപ്‌ഗ്രേഡ് ചെയ്‌തിട്ടുണ്ടെങ്കിൽ, നിങ്ങൾ ശ്രദ്ധിക്കേണ്ട ഒരു പ്രധാന കാര്യമുണ്ട്: ഈ മോഡലുകൾ eSIM സാങ്കേതിക വിദ്യയെ പ്രത്യേകമായി പിന്തുണയ്ക്കുന്നു. eSIM വിപ്ലവം iPhone 16-ൽ മാത്രമായി പരിമിതപ്പെടുത്തിയിട്ടുള്ളതല്ല. iPhone 15, Google Pixel Pro, Xiaomi 13, Huawei P40, Motorola Razr, Samsung Galaxy Z Flip എന്നിവയുൾപ്പെടെ മറ്റ് പല ഉപകരണങ്ങളും ഈ നൂതനത്വം സ്വീകരിച്ചിട്ടുണ്ട്. eSIM ൻ്റെ മികച്ച നേട്ടങ്ങളിൽ ഒന്നാണ്, നിങ്ങളുടെ ഉപകരണത്തിൽ നിന്ന് നേരിട്ട് ഒന്നിലധികം ഫോൺ നമ്പറുകൾ മാനേജ് ചെയ്യാനുള്ള കഴിവ്. ആശയവിനിമയം കൂടുതൽ സൗകര്യപ്രദവും കാര്യക്ഷമവുമാക്കിക്കൊണ്ട് നിങ്ങൾക്ക് വ്യക്തിപരവും തൊഴിൽപരവുമായും എളുപ്പത്തിൽ കൈകാര്യം ചെയ്യാൻ സാധിക്കും. ഫിസിക്കൽ സിം കാർഡ് മാത്രം ഉപയോഗിക്കുന്ന ഒരു ഫോണിൽ നിന്നാണ് നിങ്ങൾ അപ്‌ഗ്രേഡ് ചെയ്യുന്നതെങ്കിൽ, നിങ്ങളുടെ പുതിയ ഉപകരണത്തിൽ നിങ്ങളുടെ പഴയ സിം ഉപയോഗിക്കാൻ കഴിയില്ല എന്നത് ശ്രദ്ധിക്കേണ്ടതാണ്. യുഎഇയിൽ, eSIM-ലേക്ക് മാറുന്നത് എളുപ്പമാണ്. രാജ്യത്തെ പ്രധാന ടെലികോം കമ്പനികൾ നിങ്ങളുടെ ഫിസിക്കൽ സിം eSIM ആക്കി മാറ്റാൻ തടസ്സരഹിത സേവനങ്ങൾ വാഗ്ദാനം ചെയ്യുന്നു.യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KvbUGfuXecq55K3RpWtTRU

eSIM ലേക്ക് മാറാൻ എന്തൊക്കെയാണ് ചെയ്യേണ്ടത് എന്ന് നോക്കാം:

നിങ്ങളുടെ ഫിസിക്കൽ ഡ്യു സിം eSIM ലേക്ക് മാറ്റാം

നിങ്ങളുടെ ഫിസിക്കൽ ഡു സിം കൺവേർട്ട് ചെയ്യാൻ നിങ്ങളുടെ iPhone 16 Pro അല്ലെങ്കിൽ Pro Max ലേക്ക് നിങ്ങളുടെ du eSIM കൈമാറാനും ഇനിപ്പറയുന്ന പ്രക്രിയകൾ ചെയ്യുന്നതിലൂടെ eSIM ലേക്ക് മാറ്റാം.

• iPhone 16 Pro അല്ലെങ്കിൽ iPhone 16 Pro Max, അല്ലെങ്കിൽ eSIM ആക്ടീവാക്കാൻ ആഗ്രഹിക്കുന്ന ഏതെങ്കിലും eSIM-അനുയോജ്യമായ ഡിവൈസിൽ du ആപ്പ് ഇൻസ്റ്റാൾ ചെയ്യുക

• du ആപ്പിൽ ലോഗിൻ ചെയ്യുക

• മൊബൈൽ നമ്പറിന് അടുത്തുള്ള മെനുവിൽ ടാപ്പ് ചെയ്യുക

• ‘നിങ്ങളുടെ സിം മാനേജ് ചെയ്യുക‘ ടാപ്പ് ചെയ്യുക

• ഏത് സിം ആണ് കൺവേർട്ട് ചെയ്യാൻ ആ​ഗ്രഹിക്കുന്നത് ആ സിം തിരഞ്ഞെടുക്കുക

• ‘eSIM ലേക്ക് കൺവേർട്ട് ചെയ്യുക‘ അല്ലെങ്കിൽ ‘ഈ ഡിവൈസിൽ eSIM സജീവമാക്കുക‘ എന്ന ഓപ്ഷൻ ടാപ്പ് ചെയ്യുക

• യുഎഇ പാസ് ഉപയോഗിച്ച് നിങ്ങളുടെ റിക്വസ്റ്റ് പരിശോധിക്കുക

• അത് പരിശോധിച്ചു കഴിഞ്ഞാൽ, നിങ്ങളുടെ ഉപകരണത്തിലേക്ക് eSIM ചേർക്കും. നിങ്ങൾ ഒരു കോർപ്പറേറ്റ് നമ്പറാണ് ഉപയോഗിക്കുന്നതെങ്കിൽ, ഒരു eSIM ലഭിക്കുന്നതിന് നിങ്ങളുടെ കോർപ്പറേറ്റ് അംഗീകൃത ആളുമായി ബന്ധപ്പെടണം.

വിർജിൻ മൊബൈൽ

നിങ്ങളുടെ ഫിസിക്കൽ വിർജിൻ മൊബൈൽ സിമ്മിൽ നിന്ന് ഒരു eSIM-ലേക്ക് അധിക ചിലവില്ലാതെ നിങ്ങൾക്ക് മാറാം. നിങ്ങളൊരു iOS ഡിവൈസാണ് ഉപയോഗിക്കുന്നതെങ്കിൽ, നിങ്ങളുടെ സിം അപ്ഡേറ്റ് ചെയ്യുന്നതിന് ഇക്കാര്യങ്ങൾ ചെയ്യുക:

• വിർജിൻ മൊബൈൽ ആപ്പിൽ ലോഗിൻ ചെയ്യുക

• ‘My Account’ എന്ന ഓപ്ഷൻ ടാപ്പ് ചെയ്യുക, ‘My Number’ ടാപ്പ് ചെയ്യുക, ശേഷം ‘Move to eSIM’ എന്നത് തിരഞ്ഞെടുക്കുക.

• എല്ലാ ഇൻസ്ട്രക്ഷൻ ബോക്സുകളും ടിക്ക് ചെയ്‌ത് ‘Get started’ എന്ന ഓപ്ഷൻ ടാപ്പുചെയ്യുക

• നിങ്ങളുടെ ഐഡൻ്റിറ്റി സ്ഥിരീകരിക്കാൻ നിങ്ങളുടെ പാസ്‌വേഡ് നൽകുക

• ശേഷം ഒരു OTP കോഡ് ലഭിക്കുകയും നിങ്ങൾ ഫിസിക്കൽ സിമ്മിൽ നിന്ന് eSIM-ലേക്ക് മാറാൻ ആഗ്രഹിക്കുന്നുവെന്ന് സ്ഥിരീകരിക്കാനായി

• സ്ഥിരീകരിക്കുമ്പോൾ നിങ്ങളുടെ ഫിസിക്കൽ സിം ഡിആക്ടിവാകും

• ‘ഇ-സിം ഇൻസ്റ്റാൾ ചെയ്യുക’ എന്ന ഓപ്ഷൻ ടാപ്പുചെയ്യുക, ഉടൻ തന്നെ ഫോൺ സെറ്റിം​ഗ്സിലേക്ക് പോകും.

• ‘Add Cellular Plan’ എന്ന ഓപ്ഷൻ ക്ലിക്ക് ചെയ്യുക

• നിങ്ങളുടെ ഫോണിലേക്ക് eSIM ഓട്ടോമാറ്റിക്കലി ചേർക്കപ്പെടും.

• നിങ്ങളൊരു Android ഉപഭോക്താവാണെങ്കിൽ, eSIM-ലേക്ക് മാറാൻ അടുത്തുള്ള സ്റ്റോർ സന്ദർശിക്കണം

• eSIM-ലേക്ക് മാറാൻ നിങ്ങളുടെ സാന്നിധ്യം ആവശ്യമാണ്

• വിർജിൻ മെഗാസ്റ്റോർ സ്റ്റാഫിനോട് സഹായം ആവശ്യപ്പെട്ട് സിം ഒരു eSIM ആയി ആക്ടിവാക്കാം.

• നിങ്ങൾക്ക് പ്രതിവർഷം 5 eSIM സ്വാപ്പുകൾ വരെ അനുവദിച്ചിരിക്കുന്നു; ഇത് കവിഞ്ഞാൽ 10 ദിർഹം ഫീസ് ഈടാക്കും.

ഫീസ്

നിങ്ങളൊരു ഇ& ഉപഭോക്താവാണെങ്കിൽ പഴയ ഐഫോണിൽ നിന്ന് പുതിയതിലേക്ക് eSIM ട്രാൻസ്ഫർ ചെയ്യാൻ 25 ദിർഹവും വാറ്റും ഈടാക്കും.

അതേസമയം, Du ഉം Virgin Mobile ഉം eSIM ആക്ടിവേഷൻ സൗജന്യമായി നൽകുന്നു.

യോഗ്യത

പുതിയതും നിലവിലുള്ളതുമായ എല്ലാ ഉപഭോക്താക്കളും ടൂറിസ്റ്റുകൾ ഉൾപ്പെടെ du, e&, Virgin Mobile eSIM-ന് യോഗ്യരാണ്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KvbUGfuXecq55K3RpWtTRU