2024 ഓഗസ്റ്റ് പകുതി മുതൽ യുഎഇയിൽ ടെലിമാർക്കറ്റിംഗ് നിയമങ്ങൾ കർശനമാക്കുകയാണ്. നിയമലംഘകർക്ക് 150,000 വരെയുള്ള കനത്തപിഴയാണ് നൽകുക. ലംഘനം നടത്തുന്ന കമ്പനിക്ക് പ്രവർത്തനം ഭാഗികമോ പൂർണ്ണമോ ആയ സസ്പെൻഷൻ, ലൈസൻസ് റദ്ദാക്കൽ, വാണിജ്യ രജിസ്ട്രിയിൽ നിന്ന് നീക്കം ചെയ്യൽ, ടെലികമ്മ്യൂണിക്കേഷൻ സേവനങ്ങൾ വെട്ടിക്കുറയ്ക്കൽ, ഒരു വർഷത്തേക്ക് രാജ്യത്ത് ടെലികമ്മ്യൂണിക്കേഷൻ സേവനങ്ങൾ നഷ്ടപ്പെടുത്തൽ തുടങ്ങിയ കൂടുതൽ കടുത്ത നടപടികൾ നേരിടേണ്ടി വന്നേക്കാം.
ഇന്ത്യൻ പ്രവാസിയായ അനീഷിൻ്റെ ഉടമസ്ഥതയിലുള്ള ഡയറക്ട് സെയിൽസ് ഏജൻസി അത് രാജ്യത്തെ മൂന്ന് പ്രമുഖ ബാങ്കുകൾക്ക് സേവനം നൽകുന്നു. രണ്ട് വർഷത്തിലേറെയായി ഏജൻസി നടത്തുകയും 50 ഓളം പേർക്ക് ജോലി നൽകുകയും ചെയ്യുന്നു. പുതിയ നിയമങ്ങൾ സാഹചര്യത്തെ നിലവിലുള്ളതിനേക്കാൾ കൂടുതൽ വെല്ലുവിളി ഉയർത്തുമെന്ന് അദ്ദേഹം പറയുന്നു. നിലവിൽ, ഞങ്ങളുടെ ലാൻഡ്‌ലൈൻ പരിവർത്തന നിരക്ക് ഗണ്യമായി കുറഞ്ഞിരിക്കുകയാണ്. കമ്പനിയുടെ പേര് ഫോൺ കോളുകളിൽ പ്രത്യക്ഷപ്പെടാൻ തുടങ്ങിയപ്പോൾ മുതൽ, ആളുകൾ അപൂർവ്വമായാണ് ഫോണെടുക്കുന്നത്. ഒരു ഏജൻ്റ് വിളിക്കുന്ന 100 കോളുകളിൽ 25 എണ്ണത്തിന് മാത്രമേ ഉത്തരം ലഭിക്കുന്നുള്ളൂവെന്നും അദ്ദേഹം കൂട്ടിച്ചേർത്തു.
വ്യക്തികളുടെ പേരിൽ രജിസ്റ്റർ ചെയ്തിട്ടുള്ള ഫോണുകൾ ഉപയോഗിച്ച് മാർക്കറ്റിംഗ് കോളുകൾ വിളിക്കുന്നത് വിലക്കുന്നതാണ് പുതിയ നിയമം. എല്ലാ മാർക്കറ്റിംഗ് കോളുകളും ലൈസൻസുള്ള ടെലിമാർക്കറ്റിംഗ് കമ്പനിയുടെ പേരിൽ രജിസ്റ്റർ ചെയ്ത ഫോണുകളിൽ നിന്നായിരിക്കണം. ഇനി പരമ്പരാഗത വിൽപ്പന രീതികളിലേക്ക് മടങ്ങേണ്ടിവരുമെന്നും കമ്പനികൾ സന്ദർശിച്ച് മുഖാമുഖം കാര്യങ്ങൾ ബോധ്യപ്പെടുത്തുകയോ റഫറൻസുകളെ ആശ്രയിക്കുകയോ ചെയ്യേണ്ടതായി വരുമെന്നും അദ്ദേഹം കൂട്ടിച്ചേർത്തു. ഈ നീക്കം നമ്മുടെ വരുമാനത്തെ സാരമായി ബാധിക്കും. നിർഭാഗ്യവശാൽ, മിക്ക ബാങ്കുകളും റൂൾ മാറ്റത്തെക്കുറിച്ച് കേൾക്കാൻ ആഗ്രഹിക്കുന്നില്ല. റിസൾട്ടാണ് ബാങ്കുകൾ പ്രതീക്ഷിക്കുന്നതെന്നും അദ്ദേഹം ആശങ്കയോടെ പറഞ്ഞു.
അതേസമയം ടെലിമാർക്കറ്റിംഗ് കോളുകൾ കൊണ്ട് ബുദ്ധിമുട്ടനുഭവിക്കുന്ന വീട്ടമ്മയായ ബ്രീട്ടീഷ് വനിത പറയുന്നത് പുതിയ നിയമത്തിൽ സന്തുഷ്ടയാണെന്നാണ്. ക്രെഡിറ്റ് കാർഡുകൾക്കായി വിളിക്കുന്നവരോട് നിരവധി തവണ തനിക്ക് അത് ആവശ്യമില്ലെന്നും വീട്ടമ്മയാണെന്ന് പറഞ്ഞിട്ടും അവർ ഫോൺ വിളി തുടരുകയാണ്. ഇനി വിളിക്കുമ്പോൾ നിയമത്തെ കുറിച്ച് സംസാരിക്കുമെന്നാണ് ബ്രിട്ടീഷ് വനിതയായ എമ്മ സ്റ്റുവർട്ട് പറയുന്നത്.യുഎഇയിലെ വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക
https://chat.whatsapp.com/JPixZWmtID0Jd9EcWTSEyq
