ഷാർജ അന്താരാഷ്ട്ര വിമാനത്താവളത്തിലൂടെ 8.716 കിലോഗ്രാം മയക്കുമരുന്ന് കടത്താനുള്ള ശ്രമം പരാജയപ്പെടുത്തിയതായി ഷാർജ പോർട്ട്, കസ്റ്റംസ് ആൻഡ് ഫ്രീ സോൺ അതോറിറ്റി ബുധനാഴ്ച അറിയിച്ചു. ഒരു യാത്രക്കാരൻ്റെ കാർഡ്ബോർഡ് പാക്കേജുകളിൽ സംശയം തോന്നി നടത്തിയ പരിശോധനയിലാണ് 10,934 മയക്കുമരുന്ന് ഗുളികകൾ കണ്ടെത്തിയത്. കേസ് രജിസ്റ്റർ ചെയ്യുകയും പിടിച്ചെടുത്ത ​ഗുളികകൾ നിയമനടപടികൾക്കായി ബന്ധപ്പെട്ട അധികാരികൾക്ക് കൈമാറുകയും ചെയ്തു. യുഎഇയിലേക്ക് യാത്ര ചെയ്യുമ്പോൾ പ്രാദേശിക മരുന്ന് നിയമങ്ങളെക്കുറിച്ച് അറിഞ്ഞിരിക്കേണ്ടത് അത്യാവശ്യമാണ്, കാരണം നിയമം പാലിക്കാതെയിരുന്നാൽ ഗുരുതരമായ പ്രത്യാഘാതങ്ങൾക്ക് ഇടയാക്കും. യാത്രക്കാർ അവരുടെ മരുന്നുകളുടെ കുറിപ്പടികൾ കരുതുകയും അവരുടെ മരുന്നുകൾ നിയന്ത്രിക്കപ്പെടുന്നുണ്ടോ എന്ന് പരിശോധിക്കുകയും വേണം.  യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KvbUGfuXecq55K3RpWtTRU