ദുബായ്: നിങ്ങളുടെ ദൈനംദിന ജോലികള്‍ പൂര്‍ത്തിയാക്കാന്‍ ഔദ്യോഗിക രേഖകളും മറ്റും അടങ്ങിയ ഫയലോ ബാഗോ ഇനി കയ്യില്‍ കരുതേണ്ട. ഇനി നിങ്ങളുടെ കൈ മാത്രം മതി, കാശ് എടുക്കാം. ഫെഡറല്‍ അതോറിറ്റി ഫോര്‍ ഐഡന്റിറ്റി, സിറ്റിസണ്‍ഷിപ്പ്, കസ്റ്റംസ് ആന്‍ഡ് പോര്‍ട്ട് സെക്യൂരിറ്റി (ഐസിപി) ലക്ഷ്യമിടുന്നത് പൗരന്മാര്‍, നിവാസികള്‍, സന്ദര്‍ശകര്‍ എന്നിവര്‍ക്ക് അവരുടെ കൈപ്പത്തി സ്‌കാന്‍ ചെയ്തുകൊണ്ട് ഔദ്യോഗിക നടപടിക്രമങ്ങള്‍ പൂര്‍ത്തിയാക്കുന്നത് സാധ്യമാക്കാനാണ്. ദുബായില്‍ പുതുതായി അവതരിപ്പിച്ച ‘പേ ബൈ പാം’ എന്ന സംവിധാനത്തിലൂടെയാണ്. ‘പേ ബൈ പാം’ 2026 ല്‍ പ്രാബല്യത്തിലാകും. ദുബായ് റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റിയാണ് അവതരിപ്പിച്ചത്. യുഎഇ വിഷന്‍ 2031 ന്റെ ഭാഗമായാണ് ‘പേ ബൈ പാം’ നടപ്പിലാക്കുന്നത്. ഐസിപിയുടെയും യുഎഇ സെന്‍ട്രല്‍ ബാങ്കിന്റെയും സഹകരണത്തോടെയാണ് പേ ബൈ പാം എന്ന സംവിധാനം നടപ്പാക്കുന്നത്.
- ടാസ്‌ക്കുകള്‍ പൂര്‍ത്തിയാക്കാന്‍ ഐഡന്റിറ്റി പരിശോധിക്കുന്നു – ഡെബിറ്റ് കാര്‍ഡിന്റെ ആവശ്യമില്ലാതെ എടിഎമ്മില്‍ നിന്ന് പണം പിന്‍വലിക്കുന്നത് പോലുള്ള നടപടിക്രമങ്ങള്‍ പാം വെയിന്‍ ഐഡിയിലൂടെ പൂര്‍ത്തിയാക്കാം.
- പേയ്മെന്റുകള്‍ നടത്തുന്നു – നിങ്ങളുടെ ഫോണിന്റെ വാലറ്റ് പേയ്മെന്റോ ക്രെഡിറ്റ് അല്ലെങ്കില്‍ ഡെബിറ്റ് കാര്‍ഡോ പിന്‍വലിക്കാതെ തന്നെ നിങ്ങള്‍ക്ക് പേയ്മെന്റുകള്‍ നടത്താനും കഴിയും.
- സാധാരണ കടകളില്‍ നിന്ന് പണം പിന്‍വലിക്കല്‍ – ഒരുപക്ഷെ പാം വെയിന്‍ പ്രോജക്റ്റിന്റെ ഏറ്റവും സവിശേഷമായ ഉപയോഗ കേസുകളില്‍ ഒന്നാണ് ‘ക്യാഷ്ബാക്ക്’ ഓപ്ഷന്‍, സമീപത്ത് എടിഎം ഇല്ലെങ്കില്‍ പോലും പണം പിന്‍വലിക്കാം.
എന്താണ് ‘പേ ബൈ പാം’ എന്ന സംവിധാനം?
നോല്‍കാര്‍ഡിന് പകരം കൈപ്പത്തി കാണിച്ചാല്‍ മെട്രോ യാത്ര ചെയ്യാം. സ്മാര്‍ട് ഗേറ്റില്‍ നോല്‍ കാര്‍ഡ് പതിപ്പിക്കുന്ന അതേസൗകര്യത്തോടുകൂടി കൈപ്പത്തി പതിപ്പിക്കാം. യാത്ര അവസാനിച്ചാല്‍ സ്മാര്‍ട് ഗേറ്റില്‍ കൈപ്പത്തി പതിപ്പിച്ച് തിരിച്ചിറങ്ങാം. യാത്രയ്ക്ക് ചെലവായ തുക നോല്‍കാര്‍ഡില്‍ നിന്ന് ഈടാക്കും. നോല്‍കാര്‍ഡ് മാത്രമല്ല, പണമിടപാട് കാര്‍ഡുകള്‍ക്ക് പകരമായും കൈപ്പത്തി ഉപയോഗിക്കാം. ഭാവിയില്‍ എടിഎമ്മില്‍നിന്ന് പണം പിന്‍വലിക്കാനും പണമിടപാടിനും സാധനങ്ങള്‍ വാങ്ങാനും കൈപ്പത്തി ഉപയോഗിക്കാം. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/CZYi1c6PCafCIJaUmZ5eY5
