PRAVASIVARTHA

അബുദാബി: ബിഗ് ടിക്കറ്റ് നറുക്കെടുപ്പിൻ്റെ ഏറ്റവും പുതിയ പതിപ്പിൽ റേഞ്ച് റോവർ സ്വന്തമാക്കിയിരിക്കുന്നത് യുഎഇ പൗരനാണ്. ദുബായ് ​ഗവൺമെന്റിലെ ജീവനക്കാരനായ നാസർ അൽസുവൈദിക്കാണ് (54) റേഞ്ച് റോവർ സമ്മാനമായി ലഭിച്ചിരിക്കുന്നത്. 355,000 ദിർഹമാണ് റേഞ്ച് റോവറിന്റെ വില. തന്റെ മകൾക്ക് റേഞ്ച് റോവർ സമ്മാനിക്കാനാണ് നാസർ തീരുമാനിച്ചിരിക്കുന്നത്. ഒരു ദശാബ്ദത്തിലേറെയായി നറുക്കെടുപ്പിൽ പങ്കെടുക്കുന്ന നാസറിന് ആദ്യമായാണ് ബി​ഗ് ടിക്കറ്റ് നറുക്കെടുപ്പിൽ വിജയിക്കുന്നത്. സോഷ്യൽ മീഡിയയിലൂടെയാണ് ബിഗ് ടിക്കറ്റ് ആദ്യമായി കണ്ടെത്തിയത്. പിന്നീട്, ബി​ഗ് ടിക്കറ്റ് എടുക്കുന്നത് സ്ഥിരമായി. എല്ലാ മാസവും നാസർ ടിക്കറ്റ് വാങ്ങാറുണ്ട്. ‘റേഞ്ച് റോവർ സമ്മാനമായി ലഭിച്ചപ്പോൾ ഞാൻ ആഹ്ലാദഭരിതനായി, സന്തോഷത്താൽ നിറഞ്ഞു, ഈ വിജയം ആദ്യത്തേതാണ്’, നാസർ പറഞ്ഞു. നവംബർ മാസത്തിൽ, പങ്കെടുക്കുന്നവർക്ക് വരാനിരിക്കുന്ന തത്സമയ നറുക്കെടുപ്പിൽ 25 മില്യൺ ദിർഹത്തിൻ്റെ സമ്മാനം നേടാനുള്ള അവസരമുണ്ട്. 250 ഗ്രാം 24 കാരറ്റ് സ്വർണ്ണക്കട്ട നേടുന്ന പ്രതിദിന നറുക്കെടുപ്പും ഉണ്ടാകും. നറുക്കെടുപ്പിൽ പങ്കെടുക്കുന്നവർക്ക് ‘രണ്ട് ടിക്കറ്റ് എടുത്താൽ രണ്ട് ടിക്കറ്റ് സൗജന്യമായി നേടാം’. നവംബർ 1 നും 28 നും ഇടയിൽ നറുക്കെടുപ്പിൽ പങ്കെടുക്കുന്നവർക്ക് രണ്ട് ടിക്കറ്റുകൾ വാങ്ങാൻ കഴിയുന്ന ‘ദി ബിഗ് വിൻ കോണ്ടസ്റ്റും’ നറുക്കെടുപ്പിലൂടെ അവതരിപ്പിക്കുന്നുണ്ട്. അവ ആഴ്ചതോറുമുള്ള ഇ-ഡ്രോകളിൽ ഉൾപ്പെടുത്തും. ഉറപ്പുള്ള സമ്മാനങ്ങൾ 20,000 ദിർഹം മുതൽ 150,000 ദിർഹം വരെയാണ്. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/CZYi1c6PCafCIJaUmZ5eY5