ദുബായ്: ഒരു വെബ്‌സൈറ്റ്, മൊബൈൽ ആപ്പ് അല്ലെങ്കിൽ നിങ്ങളുടെ സോഷ്യൽ മീഡിയ അക്കൗണ്ടുകൾ വഴി ഓൺലൈനായി ഉൽപ്പന്നങ്ങൾ വിൽക്കുന്നതിനോ സേവനങ്ങൾ വാഗ്ദാനം ചെയ്യുന്നതിനോ താൽപ്പര്യമുണ്ടോ? ആധുനീക യുഗത്തില്‍ ഇ – കൊമേഴ്‌സ് അഭിവൃദ്ധി പ്രാപിച്ചുകൊണ്ടിരിക്കുന്നതിനാൽ, വിവിധ ആവശ്യങ്ങൾ നിറവേറ്റുന്നതിനുള്ള സാധ്യതകൾ വ്യക്തികൾ തിരിച്ചറിയുകയാണ്. ഓൺലൈൻ ഷോപ്പിങ് തടസമില്ലാത്തതും കാര്യക്ഷമവുമായ അനുഭവം പ്രദാനം ചെയ്യുന്നു. ഇതിലൂടെ ഗതാഗതപ്രശ്നങ്ങള്‍ ഒഴിവാക്കാനും തിരക്കേറിയ ഷോപ്പിങ് മാളുകളുടെ സമ്മർദ്ദം ഒഴിവാക്കാനും ഉപഭോക്താക്കളെ അനുവദിക്കുന്നു. മൊബൈലിലൂടെയുള്ള ഷോപ്പിങാണ് യുഎഇയിലെ ഉപഭോക്താക്കള്‍ കൂടുതലായും തെരഞ്ഞെടുക്കുന്നതെന്ന് റിപ്പോര്‍ട്ടുകള്‍ വ്യക്തമാക്കുന്നു. സൗകര്യവും ചെലവ് കുറവും അടിസ്ഥാനമാക്കിയാണ് മൊബൈല്‍ ഷോപ്പിങ് പ്രോത്സാഹിപ്പിക്കുന്നത്. യുഎഇയിലെ ഇ- കൊമേഴ്സിന്‍റെ വളര്‍ച്ചയ്ക്ക് പ്രധാന കാരണം സാങ്കേതിക വൈദഗ്ധ്യമുള്ള ജനറേഷന്‍ Z (ജെന്‍ Z അഥവാ 1996 നും 2010 ന്‍റെ തുടക്കത്തിനും ഇടയില്‍ ജനിച്ചയാള്‍), മിലെനീല്‍ (എൺപതുകളുടെ ഒടുവിലും തൊണ്ണൂറുകളുടെ തുടക്കത്തിലും ജനിച്ചയാൾ) എന്നീ കാലയളവില്‍ ജനിച്ചവരുടെ ഉയര്‍ന്ന ജനസംഖ്യയാണ്. ഈ മേഖലയിൽ ചേരാൻ ആഗ്രഹിക്കുന്നവർ ഓൺലൈനായി രാജ്യത്തെ ഏതെങ്കിലും സാമ്പത്തിക പ്രവർത്തനം പരിശീലിക്കുന്നതിന് മുന്‍പ് യുഎഇയുടെ ടെലികമ്മ്യൂണിക്കേഷൻസ് ആൻഡ് ഡിജിറ്റൽ ഗവൺമെൻ്റ് റെഗുലേറ്ററി അതോറിറ്റിയിൽ (ടിഡിആർഎ) നിന്ന് നോ ഒബ്ജക്ഷൻ നോട്ടീസ് (എൻഒസി) നേടേണ്ടതുണ്ട്. ഈ സൗജന്യസേവനം വ്യക്തികൾക്കും ബിസിനസുകൾക്കും ലഭ്യമാണ്. ഇത് പൂർത്തിയാക്കാൻ രണ്ട് പ്രവൃത്തി ദിവസങ്ങൾ മാത്രമേ എടുക്കൂ.
സേവന ഘട്ടങ്ങൾ
- ടിഡിആര്‍എയുടെ ആപ്ലിക്കേഷനിലോ വെബ്‌സൈറ്റിലോ യുഎഇ പാസ് അക്കൗണ്ട് ഉപയോഗിച്ച് ലോഗിൻ ചെയ്യുക
- ഒരു ഓൺലൈൻ ഫോം പൂരിപ്പിക്കുക
- ഒരു ട്രേഡ് ലൈസൻസ് ലഭ്യമാണെങ്കിൽ അത് അറ്റാച്ചുചെയ്യുക, ആവശ്യമെങ്കിൽ യോഗ്യതയുള്ള അധികാരികളിൽ നിന്നുള്ള നോ ഒബ്ജക്ഷൻ സർട്ടിഫിക്കറ്റ് (എൻഒസി) അറ്റാച്ചുചെയ്യുക
- ടിഡിആര്‍എ അപേക്ഷ അവലോകനം ചെയ്യും
- അംഗീകാരം ലഭിച്ചാൽ അപേക്ഷകർക്ക് എൻഒസി ലഭിക്കും യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
https://chat.whatsapp.com/FEGyCcuaPc2LXexgoWh68A
