അബുദാബി: അടുത്ത വര്‍ഷം മാര്‍ച്ച് മുതല്‍ ദുബായില്‍ പ്രീമിയം പാര്‍ക്കിങ് നിരക്കുകള്‍ നടപ്പാക്കും. പാര്‍ക്കിന്‍ പിജെഎസ്സി വെള്ളിയാഴ്ചയാണ് ഇക്കാര്യം അറിയിച്ചത്. പ്രീമിയം പാർക്കിങ് സ്ഥലങ്ങൾക്ക് രാവിലെ എട്ട് മുതൽ 10 വരെയും വൈകീട്ട് നാല് മുതല്‍ എട്ട് വരെ മണിക്കൂറിന് ആറ് ദിർഹം നിരക്ക് ഈടാക്കും. മറ്റെല്ലാ പൊതു പണമടച്ചുള്ള പാർക്കിങ് ഇടങ്ങൾക്കും മണിക്കൂറിന് നാല് ദിർഹമായിരിക്കും നിരക്കുകൾ ഈടാക്കുക. പാർക്കിൻ വെബ്‌സൈറ്റ്, പാർക്കിൻ മൊബൈൽ ആപ്പ്, സോഷ്യൽ മീഡിയ ചാനലുകൾ എന്നിവ വഴി കൂടുതൽ വിവരങ്ങൾ എളുപ്പത്തിൽ ലഭ്യമാകുന്നതിനൊപ്പം ഈ സോണുകൾ ഡിസ്‌പ്ലേയിൽ പ്രത്യേക അടയാളങ്ങളും താരിഫ് വിശദാംശങ്ങളും ഉപയോഗിച്ച് വ്യക്തമായി അടയാളപ്പെടുത്തും. ഒരു മണിക്കൂറിന് ആറ് ദിർഹമെന്ന നിരക്കിൽ ഒരു മെട്രോ സ്റ്റേഷൻ്റെ 500 മീറ്ററിനുള്ളിലെ തിരക്കേറിയ സമയങ്ങളിൽ ഉയർന്ന പാർക്കിങ് താമസമുള്ള സ്ഥലങ്ങളിലും പ്രീമിയം പാര്‍ക്കിങ് നടപ്പിലാക്കും. അതുപോലെ മാർക്കറ്റുകളിലും വാണിജ്യ പ്രവർത്തന മേഖലകളിലും നടപ്പിലാക്കും.
പ്രീമിയം പാര്‍ക്കിങ് സ്ഥലങ്ങള്‍ ഏതെല്ലാം…
“ദെയ്‌റ, ബർ ദുബായ്, ഡൗൺടൗൺ ദുബായ്, ബിസിനസ് ബേ, ജുമൈറ, അൽ വാസൽ റോഡ്, മറ്റ് സ്ഥലങ്ങളിലെ വാണിജ്യ മേഖലകളാണ് പ്രീമിയം പാര്‍ക്കിങ് സ്ഥലങ്ങള്‍.
നിരക്ക്
രാവിലെ എട്ട് മുതൽ 10 വരെ തിരക്കുള്ള സമയം; കൂടാതെ വൈകിട്ട് നാല് മുതല്‍ – എട്ട് വരെ
- പ്രീമിയം പാർക്കിങ് സ്ഥലങ്ങൾക്ക് മണിക്കൂറിന് ആറ് ദിർഹം (2 ദിർഹം വർദ്ധനവ്)
- മറ്റെല്ലാ പൊതു പണമടച്ചുള്ള പാർക്കിങ് സ്ഥലങ്ങൾക്കും മണിക്കൂറിന് നാല് ദിർഹം (മാറ്റമില്ല)
രാവിലെ 10 മുതൽ വൈകുന്നേരം നാല് വരെ തിരക്കില്ലാത്ത സമയം; എട്ട് മുതല്‍ – 10 വരെ
- താരിഫുകൾ മാറ്റമില്ലാതെ തുടരുന്നു
സൗജന്യ പാർക്കിങ്
- രാത്രി 10 മുതൽ രാവിലെ 8 വരെ
- എല്ലാ ദിവസവും ഞായറാഴ്ചയും പൊതു അവധി ദിവസങ്ങളിലും യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
https://chat.whatsapp.com/FEGyCcuaPc2LXexgoWh68A
