യുഎഇ ദേശീയ ദിനം: നാല് എമിറേറ്റുകളിൽ 50% ട്രാഫിക് പിഴയില്‍ കിഴിവ് പ്രഖ്യാപിച്ചു
അബുദാബി: യുഎഇ ദേശീയദിനത്തോട് അനുബന്ധിച്ച് രാജ്യത്തെ നാല് എമിറേറ്റുകളില്‍ ട്രാഫിക് പിഴയില്‍ 50 ശതമാനം കിഴിവ് പ്രഖ്യാപിച്ചു. ഫുജൈറ, റാസ് അല്‍ ഖൈമ, ഉമ്മ് അല്‍ ഖുവൈന്‍, അജ്മാന്‍ എന്നീ എമിറേറ്റുകളാണ് കിഴിവ് പ്രഖ്യാപിച്ചത്. ഡിസംബർ 2 മുതൽ 53 ദിവസത്തേക്ക് ട്രാഫിക് പിഴയില്‍ 50 ശതമാനം കിഴിവ് ബാധകമായിരിക്കുമെന്ന് ഫുജൈറ പോലീസ് അറിയിച്ചു. ഡിസംബര്‍ ഒന്നിന് മുന്‍പ് ഉണ്ടായ ഗതാഗതലംഘനത്തിനാണ് കിഴിവ് കിട്ടുക. വാഹനങ്ങൾ പിടിച്ചെടുക്കൽ റദ്ദാക്കൽ, ട്രാഫിക് ബ്ലാക്ക് പോയിൻ്റുകൾ എന്നിവയും ഇതില്‍ ഉൾക്കൊള്ളുന്നു. എന്നിരുന്നാലും, ഗുരുതരമായ ലംഘനങ്ങൾക്ക് ഓഫർ സാധുതയുള്ളതല്ല. നേരത്തെ, ഡിസംബർ 1 മുതൽ ഡിസംബർ 31 വരെ റാസൽഖൈമ പോലീസ് 50 ശതമാനം ട്രാഫിക് പിഴ ഇളവ് പ്രഖ്യാപിച്ചിരുന്നു. സോഷ്യല്‍ മീഡിയ പ്ലാറ്റ്ഫോമായ എക്‌സില്‍ പങ്കുവെച്ചത് പ്രകാരം, ഡിസംബർ 1ന് മുന്‍പ് ചെയ്യുന്ന നിയമലംഘനങ്ങളുടെ പിഴയിൽ ഇളവ് നൽകുമെന്ന് അതോറിറ്റി പറഞ്ഞു. എന്നിരുന്നാലും, ഗുരുതരമായ ട്രാഫിക് നിയമലംഘനങ്ങൾ ഇതിൽ ഉൾപ്പെടുന്നില്ല. നേരത്തെ, വ്യാഴാഴ്ച ഉമ്മ് അൽ ഖുവൈൻ പോലീസ് ഡിസംബർ 1 മുതൽ 2025 ജനുവരി 5 വരെ 50 ശതമാനം ട്രാഫിക് പിഴ ഇളവ് പ്രഖ്യാപിച്ചിരുന്നു. അജ്മാൻ പോലീസ് 2024 നവംബർ 4 മുതൽ ഡിസംബർ 15 വരെയുള്ള ട്രാഫിക് പിഴകളിൽ 50 ശതമാനം കിഴിവ് പ്രഖ്യാപിച്ചു. ഒക്ടോബർ 31-ന് മുമ്പ് എമിറേറ്റിൽ നടത്തുന്ന എല്ലാ പിഴകൾക്കും ഇളവ് ലഭിക്കും. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
https://chat.whatsapp.com/FEGyCcuaPc2LXexgoWh68A
Comments (0)